Me Blogging

  برنامج سهل مفروض يسهلك شغلك بس الصراحه عطلنا أنا شاطه روحي و مقدمه طلب التجديد قبل لا تخلص الرخصه بأسبوعين عشان ما اتوهق اذا وصلتني شحنه و تكون أوراقي مو جاهزه للأسف الشديد ما تجددت الرخصه أنا قلت يمكن ناطرين تنتهي الحاليه و تجدد اوتوماتيكيا بتاريخ الانتهاء و انطر و انطر ليما صج وصلتني شحنه و توهقت بعدين قلنا خل ندخل سايت وزارة التجاره و نقدم الطلب من هناك بدال برنامج سهل، يوم سوينا جذي الا في اوراق يطلبونها عشان التجديد  انزين يا برنامج سهل ليش ما قلت بدال لا يضيع الوقت و نقعد ننطر على الفاضي طبعا ماكو رقم للتواصل دايما ما ندري شنو نسوي . المهم طالبين عقد ايجار المكتب و آخر وصل لدفع الايجار . تمام سوينه اللي يبونه و الحمد الله بسرعه تم قبوله و هو تحت التنفيذ ، حلو ننطر القبول ، و الخطوه اللي بعدها نسجل الاوراق في الجمارك   صار لنا ٤ سنين من بدينا Me The Label والله يبيلنا كيكه و احتفال  😁 Update: تم قبول الطلب خلال ساعه ، ما شاء الله بسرعه  و ألحين الخطوه الثانيه تسجيل بيانات المؤسسه بالجمارك بوابة الخدمات الإلكترونية للجمارك   الدخول على الخدمات الالكترونيه للشركات طلب تجديد الرخص

  Update:  تم استرجاع الحساب بنفس اليوم تبين ان واحد داخل على حساب الفيس بووك و ناشر صور مخالفه لقوانينهم ، و كانت صور ناس شكلهم في حرب و رافعين مسدسات و تم اغلاق الحساب على الفور ، لو انا مكانهم اسوي نفس الشي اتوقع اهو دخل عن طريق الايميل ، الحمد الله قدرنا انرجعه بنفس اليوم ، عن طريق ارسال البطاقه المدنيه الى فيس بووك و هم سوينا  Reset to password وغيرناها بسرعه شنو صار للأسف الشديد انستغرام صك حسابي  Meblogging و حساب السايت MexTheLabel و اعتقد هذا كله عشان حطيت لينك للتبرع في الهلال الأحمر و غيره للزلزال اللي صار في سوريا و تركيا المهم دزيت لفيس بوك كل اللي يحتاجونه و ننطر عندي ٣٠ يوم  اذا يعتقدون ان انا سويت شي غلط بيختفي الحساب للأبد