Skip to main content

Posts

Showing posts from August, 2022

Signal De Bougy حديقه

  صيف 2021 - فرنسا و سويسرا الله يعافيها مها @ letstalkmama كانت كاتبه عن هذه الحديقه في سويسرا ، مشينا على اقتراحها و صج كانت الحديقه تهبل و كبيره بس غلطنا يوم رحنا بالحر سنه ٢٠١٩ ، خسنا و اليهال احترقوا من الألعاب ، اذكر حتى يبت لهم مايوهات يعني عشان يلعبون بالماي هناك ، ماكو فايده الماي ثلج ، مو مال يلعبون في و يمرضون . فالسنه اللي طافت صلحنا غلطتنا و رحنا لما كانت درجة الحراره 22 ، اذكر بالضبط جم كانت 😂 لان ما أبي نتوهق . الجو جميل و الحمد الله استانسوا اليهال و قعدنا تقريبا ٣ ساعات هناك فيها , ترمبولين ، قوارب بالماي صغيره ، سيارات قو كارت ، وحده من المتابعات بعد قالت لي فيها مكان نوكل في الحيوانات و غابه فيها العاب يتسلقون فيها ، حسافه ما شفتهم ، ان شاء الله لي رحنا مره ثانيه نجرب الاماكن الثانيه  نصيحه شوفوا موقعهم للاوقات ، لان بعض الالعاب تصك بايام معينه  كتبوا  Signal De Bougy  المدينه تاخذ تقريبا اربعين دقيقه بالسياره من جنيف  
Mytheresa.com GmbH