Me Blogging

  صيف 2021 - فرنسا و سويسرا مجيف في فرنسا ، نروح لها بس يوم الأحد ، لان تكون فاتحه بيوم اجازتهم ، قريه صغيره ، في منطقه جبليه فيها يسوون سكي بالشتاء ، تبعد تقريبا ساعه عن جنيف ، كل شي فيها صغير و يونس تتمشون بين الممرات الضيجه و تكتشفون محلات صغيره ما تتوقعون ان عندهم ماركات ، حتى بوتيك  hermes  موجود ، بعض المحلات يصكون الظهر حق فترة الغدا، فدايما انتبهوا على الوقت حتى المطاعم ، مو نفس الكويت المطعم فاتح من الصبح لي الليل ، كله عندهم فتره راحه ، أنا ما احب الحجز و النطره خصوصا اذا معاي اليهال ، ما يسوى ، أقعد عند اي احد فاتح او يتغدون قبل بعدين نطلع و ناكل متاخر غدا عشا . العام الماضي تغدينا في مطعم اسمه  Restaurant Le Prieuré زين حلو و القعده حلوه ، بس طبعا لازم حجز . و لما خلصنا كلنا دخلنا حمامهم و اتجهنا الى الالعاب 😂 لقينا ترامبولين تونس حق اليهال ، استانسوا فيها و بعدين دورنا حديقه و مشينا على قوقل لها .  ملاحظه : في فنادق تونس بالمدينه  Le M de Hotel Four season توه فاتح عندهم  le grand hotel soleil d'or  فندق جديد فتح بالكورونا 2019 المنطقه بعد عندهم زلاجات ، انا ولا مره ر

صيف ٢٠٢١ - فرنسا و سويسرا نبدي في منطقه أنا احبها ، أنسي الفرنسيه ، في ناس ما تواطنها 😂 و في ناس من كثر ما تحبها تقعد فيها ٣ أيام بالفندق . تبعد عن منطقتنا نص ساعه تقريبا ، احنا قراب من جنيڤ ، فاذا كنتوا في جنيف راح تكون نفس المسافه ، أول ما نوصل نوقف في مواقف مجمع اسمه كوريير  Courier  ناكل كرواسانه أو كيكه و نمر چم محل قبل لا نطلع بره إلى المدينه القديمه و الحديقه. بالمجمع عندهم زارا ، اتش ان ام و سيفورا و جمعيه صغيره ، نتسوق ، نقط الاغراض بالسياره بعدين نطلع من المجمع ، باتجاه الحديقه يم البحيره ، فهودي كان ٣ سنوات فلازم عربانه ، راكان ٦ سنوات ، وده ندزه بعربانه بعد ، بس شكبره خل يمشي 😂 صوب البحيره اكو مكانين للالعاب ، وحده تسالني شلون الحمامات ، للاسف الحمامات مو وايد نظيفه ، فاحنا ندخل حمام المجمع قبل لا نروح لان يم الحديقه ماكو الا واحد ، اضطريت ادخل مع فهودي مره . السنه ودي نركب مركب صغير نسوق في بالبحيره paddling boat فهود لازم يلبس لايف جاكيت 🙈  طبعا الجو لازم يكون براد وله مالكم خلق نفسكم ، في فيديو راكان يقول احترقت ايده من الالعاب الحديد .  و بالرده للمجمع حق السياره نمر