My Favorite Swimwear

و أخيرا لقيت البراند اللي عرف شلون يصمم المايوه المحتشم للمحجبات

لما ألبسه أحس إني لابسه شي مرتب وعلى الموده و مهتمين بأدق التفاصيل للسباحه

براند تركي توه جديد، تأسس في سنه 2018 ، مختص بملابس السباحه المحتشمه و الملابس اللي تحمي من أشعه الشمس

لما أقول مهتمين بالتفاصيل ، يعني مثلا البلوزه ما ترتفع و أنا أسبح ، مسوين فيها سير يتثبت بالبنطلون من الأجناب بزراير

و تضبطين طبعا الطول اللي يناسبج و تقصين الباجي

الشي الثاني الجم ضيج عشان لما أسبح ما يرتفع بعد بالماي

و التوب مو مخبخب و تنتفخين لما تطبين ، شي لابج

التوب في سحاب من جدام فجدا سهل أفصخه لما أخلص من السباحه ، مو أتعافر مع التوب نفس باجي اللبس المعتاد

توه اليوم منزلين مجموعه يديده ، كلش ما توقعت بنزلون شي خصوصا إن الصيف بخلص

ما قدرت أقاوم ، طلبت هذا التوب الوردي

المشير عجيييب يخفي العيوب

طبعا أنا ماخذه كل الموديلات من كثر ما أنا معجبه فيهم وأبي أشوف شنو مسوين لنا

مثلا العام الماضي التوبات كانوا قصار ، السنه طولوهم شوي

و السنه عندهم موديل ال

surfersuite

ألبس المايوه و فوقه بنطلون لازقه في التنوره

هذا ما لبسته وايد ، لبست اللي فيهم سحاب من جدام أكثر ، لأن اذا كنا بنات بروحنا قاعدين نسبح افصخ التوب و اذا بطلع سهل ارد البسه بدون ما أتبهذل

شوفوا شيخه الراشد كاشخه بمايوها

asmamek

ضروري تاخذون منهم هذا بعد أكاونتهم بالانستغرام

تفاصيل

أول صوره البوست أنا لابسه مايوه من مجموعتهم القديمه، للأسف خالص

Cover-up from Blanca