Skip to main content

عشانج يا كويت قاعد بالبيت




ما شاء الله
مرت ٣ أشهر أو أكثر من بدت الكرونا
آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها
و تحوشنا الكرونا
وللأسف كل اللي صورته ما اقدر اشاركه الناس

اكتأبت
أدري ان ازمه و بتعدي
بس الواحد ما يدري شنو بصير بالأيام اليايه
 تأثرت وايد يوم شفت صور ايطاليا و شلون مستشفياتهم ما قامت تكفي المرضى
و شلون الفايرس قام يمشي من ديره لي ديره
 عفس الدنيا كلها
كلنا في حاله محد له خلق شي ، محد عارف شنو بصير
المدارس عطلت
المعارض تكنسلت
المجمعات صكت
الدنيا كلها وقفت
صار هدووووووووء
راحت أيام السرعه و جدول الالتزامات 



بدينا هني الدراسه بالبيت
مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي
و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات
يقولون علموا دعاء دخول الحمام
الولد ليما ألحين يلبس بامبرز أي دعاء ؟ من صجكم
طبعا ضحك ، راكان أهو يسوي واجبات فهودي و الثاني يطالعه





عدينا هذه المرحله و دخلنا رمضان
كان جدا غريب ما نتفطر عند اهلنا مثل كل سنه  بسبب الحظر الكلي
بس كان حلو و غير ، طبعا بدعنا بالطبخ
كل شي جربناه
الله يعافي يوتيوب
هذا اللي كان مونسنا و الوقت كان يطوف بسرعه منه ، نطبخ ، ناكل نخلص ، و بعدها نسهر بالليل ندور وجبه ثانيه لليوم اللي بعده 
الساعتين الي سمحت فيها الحكومه للمشي قبل الفطور ، صج كانت تونس اليهال شوي ، يلعبون بالدوارف او يمشون 


بالصوره راكان و فهد كل واحد لابس دشداشته مالت العام الماضي ، مقصمله

خلص رمضان ، و يوم العيد كشخنا و قعدنا نعايد بأهلنا بالفيس تايم
 و بعدها قمنا نعد الأيام ، ننطر متى نخلص الحظر الكلي
٨ أيام أقعد اشخط بالرزنامه ليما يا اليوم و صار الحظر الجزئي من الست الصبح لي ست المغرب

و أخيرا نقدر نطلع ، طبعا كل يوم في بيت أهلي
هني شوي تعدلت النفسيه و بدت الناس تستعد للدوامات و في بعضهم داوموا، و غير الناس اللي بالشاليهات و البحر
اتوقع الحين انسب وقت أشارك الناس المشاريع اللي صورتها ، لأن أغلب المحلات صاكه و اذا الواحد طلب منها يطولون على ما يوصلون ، و معظم الدراريع اللي صورتها تصلح حق بحر أو حق البيت
كل جم يوم بشارككم مشروع    

Comments

Mytheresa.com GmbH

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

Where to eat in Dubai

لستة المطاعم عطتني اياها وحده من متابعاتي ما شاء الله من كثر ما اهيا طويله، طلبت مني رقم الواتس اب عشان تدزها ، لان ما تقدر تدزها بالدايركت مسج بالانستغرام والله الحمد الله جربنا كم مطعم منها كانوا زينين و اغلب الاماراتيين تشوفونهم فيها العاده لي رحنا مطعم كله اجانب وهم فيها اماكن للعب اليهال و اماكن تستاهل الزياره برد اجيك على مكان مكان و انزل بوست  مرتب مع صور ملاحظه ، احنا رحنا دبي شهر ١٢ فالجو كان وايد حلو ، و يساعد نقعد بره Breakfast spots  1-the Grey-Jumairah  2-around the block -wasl 51  3-villa 515 (breakfast/nice for coffee as well) 4-tom&serg-alquoz 5-heal -Jumairah  Smat Resturant-d3 (Emirati breakfast)  6 society-Jumairah (a must)  7-the light house(nice also for lunch if your in mall of Emirates)  8-Tbkdubai (nice for breakfast and light lunch)  Cafes  1-Mirzam chocolate-alquoz  2-orijins  3-the haus  4-the barn ( in a park )  Sketch art cafe (Jumairah)  Pdl_dubai(dubai mall) can be for light breakfast  Thesixcafe Fine dining  Gaia is nice try to go lunch time better

Dar Kaftani

Dar Kaftani كل شي كان مرتب و راكب بهذا التصوير جدا إستمتعت في ، لأن إللي تعرض الهدوم كانت بيبي العبد المحسن كنت اتمنى إيي يوم أصورها ، وصار  طبعا أنا اول ماوصلت قعدت مع صاحبة دار كفتاني نتفق على شنو بنصور، و انا أشوف الهدوم إخترت لي دراعه محفظه نفسي أي شي يعجبني ، بشتري أتبضع وقت التصوير المهم يا دور بيبي تلبس ،و كل شي تلبسه أحلى من الثاني إدودهت ، صج لي قالوا ، باللبس الشي يطلع غير نقيت شي ثاني ، ودي أخذ بعد وحده ثانيه بس قلت عندي أكثر من تصوير ، خل أختار من مجموعه مختلفه المهم إللي يحب البسيط و الناعم يروح لهم في 360 موول بمعرض هلا رمضان تاريخ 20 إلى 22 إبريل بوث رقم 45 Dar Kaftani عرض : بيبي العبد المحسن   مكياج : لطيفه الدعيج