Posts

Showing posts from 2020

My Favorite Swimwear

Image
و أخيرا لقيت البراند اللي عرف شلون يصمم المايوه المحتشم للمحجبات  لما ألبسه أحس إني لابسه شي مرتب وعلى الموده و مهتمين بأدق التفاصيل للسباحهTrepezziبراند تركي توه جديد، تأسس في سنه 2018 ، مختص بملابس السباحه المحتشمه و الملابس اللي تحمي من أشعه الشمس

لما أقول مهتمين بالتفاصيل ، يعني مثلا البلوزه ما ترتفع و أنا أسبح ، مسوين فيها سير يتثبت بالبنطلون من الأجناب بزراير  و تضبطين طبعا الطول اللي يناسبج و تقصين الباجيالشي الثاني الجم ضيج عشان لما أسبح ما يرتفع بعد بالمايو التوب مو مخبخب و تنتفخين لما تطبين ، شي لابج التوب في سحاب من جدام فجدا سهل أفصخه لما أخلص من السباحه ، مو أتعافر مع التوب نفس باجي اللبس المعتادتوه اليوم منزلين مجموعه يديده ، كلش ما توقعت بنزلون شي خصوصا إن  الصيف بخلص 

ما قدرت أقاوم ، طلبت هذا التوب الورديالمشير عجيييب يخفي العيوب Linkطبعا أنا ماخذه كل الموديلات من كثر ما أنا معجبه فيهم وأبي أشوف شنو مسوين لنامثلا العام الماضي التوبات كانوا قصار ، السنه طولوهم شويو السنه عندهم موديل الsurfersuite 


ألبس المايوه و فوقه بنطلون لازقه في التنوره  هذا ما لبسته وايد ، لبست اللي…

Me THE LABEL

Image
من زمان و أنا كان ودي يكون عندي موقع أعرض في المنتجات اللي اسويها ، ووحده من المتابعات الله يعافيها ساعدتني باللوغو و الأكياس، وبالعيد الوطني فتحت السايت و سميته 
Me by Me Blogging
 عرضت في مجموعة الأعياد الوطنيه للأطفال و الأمهات ، و بعدها ياتنا الكورونا و عفستنا و كنسلت مشاريع كنت بسويها ، ألحين شوي شوي الديره قاعده ترد للشغل ، و رديت معاهم للي كنت بسوي ، عسى النتايج تكون زينه
عاد من قبل أسبوعين كان واصلني ايميل من Zayan The Label جان أقول حق نفسي أنا ليش ما أسمي الموقع Me THE LABEL أحسه أسهل بالنطق و جك بووم أغير كل شي بالسايت و الانستغرام و أقلب الاسم  ألحين بس ناطره يخلصون الأكياس اللي عندي عشان اغيرهم بعد
المهم في هذا الوقت ضفت قسم ثاني بالسايت للأشياء اللي تعجبني وودي اشارككم اياها ، قسم  My Picks



حاليا مختارة مجموعه نفانيف صيفيه من  Charm Corner أغلب أقمشتهم يتم الطباعه عليها يدويا بإسلوب ال Block Printing بالصوره أنا لابسه نفنوف توه واصلني من مجموعتهم للطلب اضغطي اللينك

V-Thru

Image
برنامج جديد توه نازل  تطلب من مطعمك المفضل أو من قهوتك ، تدفع و تروح تاخذ طلبك pick up الحلو ان يكتب لك الوقت المتوقع لاستلام الطلب  و بس توصل و تحط لهم بالابليكيشن انك وصلت يطلع لك بطلبك ، تأكد انك في المنطقه المحدده للاستلام أغلب مطاعمي اللي أحبها موجوده المكان سم سم سلايدر و قهوة فوليوم ون
شوفوا اذا مطعمكم المفضل موجود  download the App Link


V Thru a new app, just launched for pick up Order your food , pay for it and then go pick it up from your favorite restaurant  The cool thing about this app is that you could view the estimated time for preparing your order and once you reach the place just click (Arrived) and they will bring your order to your car , make sure you are in the parking zone for pickup. 
Most of my favorite restaurants are there Street AlMakan SimSim Slider Station Vol. 1 Coffee Shop
Check if your favorite restaurant is listed  Download the App Link

Plain & Co

Image
Plain & Co
بحط لكم أكثر شي عجبني من المجموعه إللي صورتها قبل الكورونا من بلين اند كو
هذا النفنوف الأزرق شدتني ألوانه و موديله ، من أول ما نزل بأكاونتهم سيده صار سولد أوت
أكو منه أصفر بعد
مع حزام

و هذا حزامها ينصق بزراير


حبيت هذه بعد ، جنها تنوره تنلبس فوق النفنوف و تقدرون تاخذونها بروحها و تلبسونها مع أي شي ثاني عندكم

و هذه بعد نفس الفكره ، مركبينها على نفنوف نفس القماش

جنه جاكيت بدله رجالي ينربط من جمومه

وايد أشياء تركب فوق بعض
شوفوا المجموعه كامله على حسابهم
Plain & Co

Blue Shampoo

Image
أذكر من قالوا في احتمال بصير حظر كلي ، قلت خل ألحق و أطلب من صالون  ASAP - The Blue Shampoo هذا الشامبو مثل الرنساج ، يشيل اللون البرتقالي بالشعرالمصبوغ أشقر من زمان أسمع عنه و في بنات يستخدمونه بالبيت بس وله مره فكرت أشتري لأن أنا كل شهر أروح الصالون أصبغ الشيب و على الطريج يسوون لي رنساج ، بس مع الأوضاع الحاليه ، خلاااااص ماكو صالون ، كل شي بالبيت دخلت سايتهم و طلبت الشامبو مع البلسم بالسايت حاطين شرح لطريقه الاستخدام ، بس لما وصل الشامبو شوي اخترعت يوم قريت القرشه ، ان ديري بالج ، هذا للاستخدام بالصالونات و ان لبسي دسوس لما تسوين شعرج ، هذا مو مذكور بالسايت قلت وي مالي خلق ادور دسوس بغسل في و اشوف النتيجه وااااااي انصدمت من اللون ، ايدي صبغت ، لا صج احتاج دسوس ، أظافيري كلها صارت بنفسجيه  كاتبين بالسايت ان اقدر استخدمه مره إلى ثلاث مرات بالاسبوع ، بس جنه لا ، الشامبو ينشف الشعر بشكل مو طبيعي ، ضروري وراه ماسك ، أنا بس حطيت البلسم مالهم    أول مره قعدت في خمس دقايق ، النتيجه حلوه ، صج راح الصفار ، في بعض الخصل ردت على اللون الرمادي المطلوب  و بعضها يبيلها وقت أكثر ، المره الثانيه ، بعد أسبو…

Grey Kaftan

Image
Grey Kaftan
عندهم مجموعه كبيره من الدراريع
و الحلو إن تقدرون تطلبون أونلاين من عندهم
Link



من القطع إللي حبيتها


أكو منها حفر بعد

و هذه بعد شدتني أحب شي في مناظر

السوده بعد فيها مناظر
شوفوا باجي المجموعه على حسابهم Grey Kaftan 

عشانج يا كويت قاعد بالبيت

Image
ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس
اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات 


بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد ليما ألحين يلبس بامبرز …