مكتبي

متابعيني على الانستغرام يدرون إني خذيت مكتب بالديره و شافوا تجهيزه ، في هذا البوست بحط الأماكن اللي عجبتني  بس ما تخدمني ، يمكن تفيد أحد محتاج

 من شهر ٩ العام الماضي و أنا قاعده أدور على مكتب بأجار معقول و مساحه تكفي إني أصور فيها و أخزن أغراض إبره

البحث كان جدا صعب ، كان ودي في حولي عشان أكون قريبه من مدرسة ولدي ، بس للاسف ما لقيت بالسعر المناسب لي ، قلت أروح الجابريه ، نفس الشي ، كله  ٦٠٠ دينار بالشهر و فوق  ، رحت السالميه ، كان في مكتب اينن ، الاضاءه الطبيعيه خيال ، أتوقع مبين من الصور تحت . المالك يأجر الطابق كامل ، الطابق في ٣ مكاتب ، أذكر كنت أدق عليهم أكثر من مره أسأل عنه ، قلت يمكن يغير رايه ، ماكو فايده

سما الكويت العقاريه - 66662582

المكان الثاني اسمه شبابيك جدام سوق الجمعه ، عجبني وايد ، قريب من الأفنيوز ، عشقي الأفنيوز ، قلت حلو أمر المجمع متى ما خلصت من شغلي ، بس حسافه المكان تطلع علي رخصه محل مو رخصه مكتب

الظاهر كان في مشكله بالكهرباء ، توه موصلينها لهم الوزاره ، فدزولي مسج بهذه المعلومه مع صور حلوه للمكان
حق المهتم هذه ارقامهم
66566504
98788896

هذه صوره المكان (شبابيك) أنا مصورتهم في شهر 2

بعدين استسلمت ، و بديت أدور بالديره ، أدري ان زحمه و موت و ماكو مواقف ، بس ما كان عندي حل ثاني

Tribe 

واحد من المكاتب اللي تتبع مبدأ

Co-Working Space
كنت حابه أكون ضمن هذا الجو ، معاي ناس صغيره بالسن توهم بادين و يشتغلون بشغف
بس المكاتب الموجوده جدا جدا صغيره لإحتياجاتي

لو كان شغلي مختلف ، أستقبل ناس و أبي سكرتيره يمكن كان خيار زين لي ، بس مو هذا اللي ادور علي

أنا متابعتهم على  الانستغرام عندهم وايد لقاءات و نشاطات حلوه   

Niu

الغني عن التعريف ، عندهم نفس المبدأ ، ما رحت شفتهم ، بس كلمتهم بالتلفون ، المكتب الشخصي ، هم يظل صغير و أجاره جدا غالي علي

بس اللي يدور على مكان يقعد في و يشتغل لساعات محدده ، متوفر في كل شي و صورهم تشوق بالانستغرام

Niu

من كثر ما مليت من الفراره سألت المتابعين ، تعرفون مكان مناسب لمكتب ؟ والله يعافيها وحده عطتني رقم بنايه في الديره ، سيده رحت شفتها ، ما تينن بس كنت لازم أخذها و ابدي أسوي أوراقي ، البنايه قديمه و مجددينها ،أكثر شي عجبني فيها الدرايش الكبار ، الحجم مناسب للاجار
 و ثاني يوم قررت و توكلت و خذيت المكتب 

Photo Credit Mohammed Jaraq

وحده من المتابعات بعد علمتني علي بنايه وايد مرتبه و نظيفه بحولي ، اسمها
The Story
لما كلمتهم ما كان عندهم مكتب فاضي ، و الأجار يبدي من ٦٠٠ دينار
نفس  البنايه اللي فيها قهوة
Kofe
& Serve


 توه بعد من كم يوم كلموني الشركه التجاريه العقاريه عن مكاتب مجددينهم في مجمع الرحاب بحولي
يبدي الايجار من ٤٠٠ دينار
 المهتم يتواصل مع محمد مهدي
98009949

إذا تعرفون مكاتب للايجار شاركونا ، يمكن في ناس قاعده ادور و تستفيد