Skip to main content

ودعنا سرير البيبي


ودعنا سرير البيبي و إنتقلنا إلى سرير كبير 

راكان يوم شاف صورة فراشه القديم في الانستغرام ستوري أنا حاطتها و كاتبه عليها بنودع هذا الفراش ، ضاق خلقه ، و قام يبجي ، هل الانسان جدا حساس ، بدال لا يستانس على فراشه اليديد ، يبچي على القديم و يقولي خلي عندي بالدار لا تعطينه أحد ، حزتها كنا مزهبينه عشان ياخذونه لناس محتاجينه 

خلاص السرير صار صغير علي و كان ضروري ناخذ أكبر ،  بس المشكله لان داره كلها كبتات مايصلح نحط لها سرير في  
Headboard
هذا كان اضبط شي ، اللي يسمونه 
Daybed
و الحجم الانسب له كان من أيكيا ، قررنا و خذيناه ، بس يوم يينا بنختار الفراش (أو المرتبه) مالت ايكيا ، كانت جذا ضعيفه ، مافيها سمك بتاتا ، ما تصلح حق ياهل بينقز على الفراش
نصحونا نروح البغلي ، تفصال ، لان مقاس السرير اصغر من العادي ، ٨٠ x ٢٠٠ سم
دقيت على كل محلات الفرش قبل لا اروح البغلي ، ماكو جاهز ، صج لازم نفصل
ورحنا البغلي و عندهم مجموعه زينه و كنا كلش بنحط الطلب ، بس قلت خل أمر الجريوي ، كاهو يمهم
وااايد أحلى ، ما ادري عشان العرض مالهم ؟ صفهم مرتب مع شرح للفراش ، و القماش المستخدم للفراش وايد احلى من البغلي ، مع ان اول و تالي بغطي بالشادر بس عجبني ، فخذينا منهم ، و قالوا خلال ٣ أيام يخلص ، بعد يومين الا موصلين الفراش البيت مع مخده هديه

أول يوم نام راكان بدون الحاجز ، قلت بس خلاص ما يحتاجه ، يوم اروح أطل علي الا راسه على المخده  و ريوله مدندله بره الفراش، وييييي ماكو فايده ، اخترب الديكور ، لازم نركب الحاجز



الحاجز ماخذيته من هوم سنتر قسم الأطفال


الفراش من الجريوي - تقريبا طلع علينا ب ٥٠ دينار


شرح للفراش معروض عند الجريوي


راكان أول ما فتحنا الحاجز بسرير البيبي بالكويت، عمره ٣ و نص


ألحين اهو عمره أربع سنوات و نص 
أذكر المراحل إللي مر فيها
من فراش مصكوك
لي مفتوح
و الحين هذا الفراش الكبير

أول اذكر كان يوقف بالفراش مجابل الباب و يصرخ يناديني اول ما يقعد من النوم
ميوووووووه
و يلحنها بعد
أنا ما يناديني ماما يناديني بإسمي ، بعد يليت اسمي ، اسم الدلع 





شلنا الحاجز مال الفراش لما كنا مسافرين ، قبل سنه تقريبا ، كان عمره ثلاث سنوات و نص
وقت التدريب للحمام
اااااه كانت ايام صعبه
ما يرضى يروح الحمام ، جنه معذبينه
بس أشوه بالليل ما كنت احتاج اقعده الفجر و أشيله لي الحمام نفس ما قريت ، كان يقوم بروحه 
بس البايخ يقوم و يقولي تعالي نامي عندي
من كنت حامل في فهد لي هذا اليوم ، راكان ما ينام بروحه ، لازم أحد معاه بالدار ، اتوقع الغيره
لما كان أصغر ، يشرب حليبه ، و ينام بروحه ، ألحين صراخ و بجي و أنا ما أحب أنام بروحي و أبي ليت بداري أنا أخاف من الظلمه 
تعذيب و أنا جني بمستشفى ، منسدحه يمه على القنفه ، أنطره ينام و ساعات اسوي روحي نايمه و أنام صج واهو لي ألحين قاعد

هذه الأيام هاب اييني الدار ( بنام عندكم ) أنا طوفتها بالصيف لان كان يقعد بوقت قعدة المدارس ، قلت أحسن حق بعدين ، وصج لما بدت المدرسه يقوم و اييني و اقوله ايوااااا الحين بنبدل 
و بس ماشين على جذي ، يا ويلي من الثاني ، المتسلق فهد ، شكله بيطلع من فراشه بدون ما نفتح الحاجز
أذكر ولد رفيجتي اكتشفوا ان ينقز من الفراش و يحوس طول الليل بالبيت ، لما رفعوا الحاجز شوي شوي وصارأرفع منه بوايد ما يقدر يطلع ، مسكين ، تقول بعد شنسوي يحوس بالمطبخ نخاف يصير في شي . أنا شكلي فهد بصير نفسه ، الله المستعان .



Comments

SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

The Black Ice Cream

  قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠ الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد يالله نروح يوم ثاني  و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني

My Favorite Swimwear

  و أخيرا لقيت البراند اللي عرف شلون يصمم المايوه المحتشم للمحجبات   لما ألبسه أحس إني لابسه شي مرتب وعلى الموده و مهتمين بأدق التفاصيل للسباحه Trepezzi براند تركي توه جديد، تأسس في سنه 2018 ، مختص بملابس السباحه المحتشمه و الملابس اللي تحمي من أشعه الشمس لما أقول مهتمين بالتفاصيل ، يعني مثلا البلوزه ما ترتفع و أنا أسبح ، مسوين فيها سير يتثبت بالبنطلون من الأجناب بزراير   و تضبطين طبعا الطول اللي يناسبج و تقصين الباجي الشي الثاني الجم ضيج عشان لما أسبح ما يرتفع بعد بالماي و التوب مو مخبخب و تنتفخين لما تطبين ، شي لابج  التوب في سحاب من جدام فجدا سهل أفصخه لما أخلص من السباحه ، مو أتعافر مع التوب نفس باجي اللبس المعتاد توه اليوم منزلين مجموعه يديده ، كلش ما توقعت بنزلون شي خصوصا إن  الصيف بخلص  ما قدرت أقاوم ، طلبت هذا التوب الوردي المشير عجيييب يخفي العيوب  Link طبعا أنا ماخذه كل الموديلات من كثر ما أنا معجبه فيهم وأبي أشوف شنو مسوين لنا مثلا العام الماضي التوبات كانوا قصار ، السنه طولوهم شوي و السنه عندهم موديل ال surfersuite  ألبس المايوه و فوقه بنطلون لازقه في التنوره   هذا ما لبسته