Skip to main content

التأمينات

من قدمت استقالتي و الكل يقولي لازم تسجلين بالتأمينات عشان ما تنقطع خدمتج ، اذا عندج شركه و لا مؤسسه سجلي عليها . إي عندي ، عندي بكله ، أبليكيشن حجز مواعيد و عروض الصالونات ، بعد اسبوع من الاستقاله و انا كل يوم بالتأمينات و اذا مو عندهم اتصل فيهم تلفون و اسالهم عن اي شي يطري في بالي . لما كنت بالقطاع الخاص ، كنت على الباب الثالث ، و على حسبتهم يبقى لي ٥ سنوات و أتقاعد ، أهو بالاصح يبقى ٣ سنوات و نص ، بس القانون البايخ يقول لازم اكمل ٤٥ سنه بالعمر ، مو بس ٢٠ سنه عمل

   اذا انا صاحبة العمل ، و هذا اللي بسجل علي ، و يسمونه الباب الخامس ، يبقى لي ١٥ سنه على التقاعد
اووووولاه يالفرق
يالله شسوي ، اسجل و بعدين اغير

 موظفين الحكومه ما أدري على أي باب يشتغلون ، فسألت رفيجاتي بالحكومه ، أنتوا على أي باب تشتغلون ؟ جان ترد علي وحده منهم ، على باب الظيم و الظلايم  
وااااي مت من الضحك
و الثانيه تقول أنا ما شفت وله باب كله داعمه بالطوفه
و الثالثه تقولي شنو يعني ؟ كل باب شنو في ؟
الباب ، أهو القانون إللي ماشين علي ؟
فالباب الثالث قوانينه غير عن الباب الخامس ، عشان جذي كله يسإلون إنت على أي باب عشان يعرفون يحسبون

طبعا القوانين و الشروط وااايد ، أنا حالتي كانت جذي و كل واحد يختلف ، لتفاصيل أكثر عن أي شي يخص التأمينات 
 شوفوا موقعهم أو اتصلوا فيهم على ١١٤
 ألحين الخطه إن احط المؤسسه باسم زوجي و أنا أصير موظفه عنده في المؤسسه و جذي أكون على الباب الثالث
و تقاعدي يظل مثل ما أهو ٥ سنوات ، مو  ١٥ سنه
و الجزء الأصعب على حسب كلام البنات ، التسجيل في دعم العماله
لازم أداوم هناك بالمكتب . ولو إني أسوي كل شغلي بالبيت ، بس ضروري الدوام بالمكتب عشان يمرون يجيكون إن في أحد يشتغل مو شي وهمي
هذا قلت كله بسوي بعد الصيف لما أرد من السفر
و خلص الصيف و من رديت و أنا قاعده أدور لي على مكتب ، أبي في حولي عشان أصير يم مدرسة ولدي بس للأسف ماكو  وله شي حلو  ، فدورت بالسالميه ، بالديره ، كله الأجار غالي بالنسبه لي ، بعدين حطيت صوره بالانستغرام عشان الناس تعطيني مقتراحتها ، والله في أشياء حلوه لازم أوريكم إياها في بوست ثاني بس تظل غاليه بالنسبه للي أحتاجه ، و من بين هذه الاقتراحات وحده دلتني على بنايه مجدده بالديره قلت لازم أشوفها ، لانها بالحجم و السعر المطلوب ، رحت بنفس اليوم و الحمد الله عجبتني ، رحت ثاني يوم للمكتب و توكلت على الله و خذيتها ، قلت اذا لقيت شي ثاني زين بعدين أقدر أطلع
بأي وقت 

و نبدي مشوار العذاب في ترخيص المؤسسه

Comments

Mytheresa.com GmbH

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

عشانج يا كويت قاعد بالبيت

ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات  بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد لي

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here