modaoperandi.com

عدساتي بنص السعر أون لاين



 و أخيرا رديت طلبت عدسات أون لاين 
كنت طالبه من قبل ، بس للأسف خذيت بس لمده ٦ أشهر و لما خلصوا الا احنا في أحر شهر بالسنه في الكويت ، خفت إني  أرد أطلب و يقطونهم الجمارك بالحر و يختربون

كلمت أكثر من شركة توصيل ، أرامكس ، دي أتش أل كلهم يقولون اوكي نوصل و نحافظ عليهم بس ما نضمن إن الجمارك ما ياخذونهم ، يمكن يحطونهم في مكان حار
قلت شسوي ، مالي إلا أنطر يصير الجو بارد و جذي أتأكد إنهم ما راح يختربون



الموقع إنجليزي ، اسمه

العلبه الوحده عندهم بسعر ٨ دنانير
بالكويت جم؟
 ١٦ دينار 
يعني دبل السعر بالضبط
تخيلوا ! فلما أطلب لمده سنه و لعينين ٢٤ علبه ، يعني وفرت ١٩٢ دينار
حطيت عنواني مال أرامكس مع إن الموقع كاتبين نوصل الكويت دايركت ، بس مو وقته يضيعون و أنا دافعه قريب ال ٢٠٠ 
دينار. و جم بيطلع مع أرامكس ؟ ٢٠ دينار يمكن ، مع هذا هم موفره


أنا طبعا فيني أستغماتزم عشان جذي أغلي من العدسات العاديه
هذا لينك النوع إللي طالبته

وهذا من الكويت حق الصيف و متوهق
:)


Comments

Post a Comment
modaoperandi.com

Popular posts from this blog

و خلصنا أول أسبوع بالمدرسه بسلام

Image
يوم التعارف وصلنا المدرسه على الساعه ٩ طبعا لأن رحنا بعد الدوامات ، فكلش مو مقياس حق الزحمه المهم ما كان أكو وايد أهالي ، يمكن كنا تقريبا ٥ عوايل ، بدت المدرسه تشرح شنو بسوون ووزعت علينا أوراق فيها البرنامج  و كل الأشياء التعريفيه ، متى نوصله المدرسه ، النظافه ، الأغراض المحتاجينها منه ، جدول الحصص ، الأكل ، و جذي
أنا بس عيني على كوكو بشوف شنو بسوي ، طبعا أول ما قعدنا سيده قال أنا بروح ، وين تروح تونا يايين ، دورتله لعبه و له تركيب ، أشوه بده يلعب و لها فيها ، بعدين و المدرسه تشرح أشوف بيده مثلث من خشب و مجابل واحد من الصبيان و يقوله هذا شنو ؟ الولد ساكت يرد يعيد علي هذا شنو ؟ الولد يرد علي،  شنو هذا ؟ و يقعدون جذي ، واحد يسأل الثاني لما تعب كوكو و قاله هذا دائره لااااااا هذا مثلث كوكو ، تعلم الولد غلط 
و يرد يجابل ولد ثاني و يبله صوره حصان و يقوله هذا مووووووو موووووو هووو أي مووو هذا حصان ؟  يالله بعد شنسوي موو موو المهم مو مخترغ
بس خلصت شرحها المدرسه رحنا سجلنا اسم العائله الكريمه كلها عند الاستقبال عشان اذا احد بمر ياخذه ، اسمه موجود
 وين نروح ألحين ؟ الآفنيووووز طبعا أنا مو مصدق…
Read more

Dar Kaftani

Image
Dar Kaftani كل شي كان مرتب و راكب بهذا التصوير جدا إستمتعت في ، لأن إللي تعرض الهدوم كانت بيبي العبد المحسن كنت اتمنى إيي يوم أصورها ، وصار  طبعا أنا اول ماوصلت قعدت مع صاحبة دار كفتاني نتفق على شنو بنصور، و انا أشوف الهدوم إخترت لي دراعه محفظه نفسي أي شي يعجبني ، بشتري أتبضع وقت التصوير المهم يا دور بيبي تلبس ،و كل شي تلبسه أحلى من الثاني إدودهت ، صج لي قالوا ، باللبس الشي يطلع غير نقيت شي ثاني ، ودي أخذ بعد وحده ثانيه بس قلت عندي أكثر من تصوير ، خل أختار من مجموعه مختلفه المهم إللي يحب البسيط و الناعم يروح لهم في 360 موول بمعرض هلا رمضان تاريخ 20 إلى 22 إبريل بوث رقم 45
Dar Kaftani عرض : بيبي العبد المحسن   مكياج : لطيفه الدعيج
Read more

The Black Ice Cream

Image
قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …
Read more