Skip to main content

و نودع أيام السهر



 باجر راكان يبدي مدرسة أو بالأصح اليوم إللي بعده ، باجر آنا وياه نروح ليوم التوجيه و التعارف ، كاتبين  من الساعه ٩ لي ال ١٢ ، بس ما اتوقع طول هذي المده بنكون هناك . يالله نكتشف باجر

 المهم ،  أنا بكتب هذا البوست لنفسي ، لأن أدري مع الأيام راح أنسي إحنا شنو كنا نسوي و شلون كانت حياتنا لما كوكو كان عمره سنتين و نص

كانت أيام حلوه ، مليئه بالسهر و النوم لي الظهر ، حياة مراهقين مو ياهل

طبعا وايد بنات عندهم إن إللي قاعده اسوي غلط و إن ماكو نظام ، و إن مو قاعد ياخذ كفايته من النوم

بس أنا بنظري في نظام بس الأوقات تختلف ، يشبع نوم بس بطريقه ثانيه ، كوكو ينام الساعه ١ بالليل أو ٢  ، أول و لمده سنتين تقريبا كنت أودي الصبح  بيت أهلي من الساعه ٧ و أروح الدوام ، يقعد ساعتين يتريق و يرد ينام تقريبا الساعه ١٠ لمدة ساعتين او ثلاث ساعات و  بعدها يقعد الظهر  ، يتغده و ينطرني لين أرد من الدوام على الساعه ٤ ، آخذه و أرد بيتنا أنومه و نتغده و بعدها كلنا ننام لي الساعه ٧ أو ٨ . نقعد كلنا و تبدي حياتنا مع بعض في هذا الوقت . يا نروح الأفنيوز أو نروح نتعشى بمطعم أو نقعد بالبيت يلعب و نجابل التلفزيون . من ردينا من السفر تقريبا شهر يونيو و أهلي كاسر خاطرهم إن يقعد من الساعه ٧ ، يقولون لي خلي نايم و متى ما قعد نروح ناخذه ، كان كل مره أحد يمره البيت ياخذه ، مره أمي مره أبوي أو أخوي ، لما سافروا ، و صار السايق يمره كل يوم الساعه ١٢:٣٠ الظهر يروح يتغده و على الساعه ثنتين إختي ترد
من الدوام و تقعد و ياه و أنا عقبها على الأربع

هذ ا كله راح يتغير و ماني متخيله شلون بكون النظام اليديد ، طبعا وايد ضايق خلقي لان أحس ما راح اشوفه أكثر و له راح أقدر أقعد وياه العصر لأن أنا برد من الدوام هلكانه لازم أنام و أهو أكيد بكون نايم قبلها على الأقل ساعه أو ساعتين . عشان جذي أفكر أستقيل ؟ و أفتك من لوية الدوام؟ و أصير أكثر مرتاحه بدال الركضه الصبح وأرد متأخر و عيزانه ؟ ما
أدري شنو بكون الوضع ؟ الكل يقول حسينا جذي مع أول ياهل بس بعدين تتأقلمين و يصير عادي
الله العالم

طبعا اليوم مشيت على النصيحه إللي تقول لا تنومينه العصر عشان ينام بالليل مبجر
ماكو فايده ، ماااات من البجي ليش قلت له روح نام الساعه ١١
مو مفروض مو نايم العصر و عيزان ، أنا من الساعه ٨ كان ودي ينام بس خفت ينام ساعتين و يرد يقعد
 ما قدرت أشوفه و أهو يبجي البجوه القاتله المقطعه، إللي يناديني
ماااا ماا ما   تبي ت ت نام
شلته من فراشه و ما نام الا الساعه ١٢
بس هم نام ميت من البجي

Comments

Popular posts from this blog

باي نومه لبستني

بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه
باي نومه لبستي من مجموعة البشوت الصيفيه إللي إهيا مشهوره فيها
في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11
للطلب عن طريق الواتس أب 
00965-55335421
Instagram :  ByNouma



(Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. 
This post is brought to you ByNouma
As you can see, she dressed me up from her famous summer bisht collection 
In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel - Dubai Mall  (Dates: 9/10/11)
For orders contact her thorugh WhatsApp
00965-55335421
Instagram :  

Blue Shampoo

أذكر من قالوا في احتمال بصير حظر كلي ، قلت خل ألحق و أطلب من صالون  ASAP - The Blue Shampoo هذا الشامبو مثل الرنساج ، يشيل اللون البرتقالي بالشعرالمصبوغ أشقر من زمان أسمع عنه و في بنات يستخدمونه بالبيت بس وله مره فكرت أشتري لأن أنا كل شهر أروح الصالون أصبغ الشيب و على الطريج يسوون لي رنساج ، بس مع الأوضاع الحاليه ، خلاااااص ماكو صالون ، كل شي بالبيت دخلت سايتهم و طلبت الشامبو مع البلسم بالسايت حاطين شرح لطريقه الاستخدام ، بس لما وصل الشامبو شوي اخترعت يوم قريت القرشه ، ان ديري بالج ، هذا للاستخدام بالصالونات و ان لبسي دسوس لما تسوين شعرج ، هذا مو مذكور بالسايت قلت وي مالي خلق ادور دسوس بغسل في و اشوف النتيجه وااااااي انصدمت من اللون ، ايدي صبغت ، لا صج احتاج دسوس ، أظافيري كلها صارت بنفسجيه  كاتبين بالسايت ان اقدر استخدمه مره إلى ثلاث مرات بالاسبوع ، بس جنه لا ، الشامبو ينشف الشعر بشكل مو طبيعي ، ضروري وراه ماسك ، أنا بس حطيت البلسم مالهم    أول مره قعدت في خمس دقايق ، النتيجه حلوه ، صج راح الصفار ، في بعض الخصل ردت على اللون الرمادي المطلوب  و بعضها يبيلها وقت أكثر ، المره الثانيه ، بعد أسبو…

The Black Ice Cream

قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …