Skip to main content

و أخيرا صار عندنا فندق سنع




هذا الشهر فتح عندنا فندق الفور سيزن و الكل مستانس إن صار عندنا فندق حلو و مودرن ، احنا هني اذا فتح شي يديد لازم الكل يروح يشوفه ، ها زين ؟ مو زين ؟ شلون البنيان ؟ الخدمه ؟ جنا واجب كل كويتي يروح يجيك على الحلال ، حتى بيمعاتنا نسأل بعض ، ها رحتوا ؟ متى ناوين تروحون ؟ 
الفندق فتح رسمي أول ايام العيد، لأن اجازه تشوف عوايل خمسة ، ستة ، يحوسون بالممرات ، احنا أكثر من السواح .


الاسبوع اللي طاف رحنا بنتغده هناك ، الكل قال لنا لازم تحجزون قبل ، قلنا بنروح و بنشوف حظنا ، يوم وصلنا ، صج المطعم الايطالي قالوا محجوز لي تاريخ ١٠ سبتمبر و في مطعم ثاني يصك الساعه ٣:٣٠ الوحيد الموجود ، بوفي في الطابق الرابع ، انا اصلا ما سمعتها قالت بوفي جان ما رحت ، انا احب اطلب طبق واحد و بس ، ما راح اكل وايد انواع ، بس لما وصلنا قلت خلاص بعد ماكو خيارات ، لما قعدنا جان يقولون لنا الشخص الواحد ب ٢١ دينار ، ٢١؟ كلش ما يسوه و احنا مو مشتهيين بعد و معانا راكان اللي ما ياكل شي و ينقي اكله ، نقعد باللوبي ابرك لنا ، خصوصا ان اختي مشتهية كلوب ساندويش و شوقتني اكل مثلها 


الاسبوع اللي طاف رحنا بنتغده هناك ، الكل قال لنا لازم تحجزون قبل ، قلنا بنروح و بنشوف حظنا ، يوم وصلنا ، صج المطعم الايطالي قالوا محجوز لي تاريخ ١٠ سبتمبر و في مطعم ثاني يصك الساعه ٣:٣٠ الوحيد الموجود ، بوفي في الطابق الرابع ، انا اصلا ما سمعتها قالت بوفي جان ما رحت ، انا احب اطلب طبق واحد و بس ، ما راح اكل وايد انواع ، بس لما وصلنا قلت خلاص بعد ماكو خيارات ، لما قعدنا جان يقولون لنا الشخص الواحد ب ٢١ دينار ، ٢١؟ كلش ما يسوه و احنا مو مشتهيين بعد و معانا راكان اللي ما ياكل شي و ينقي اكله ، نقعد باللوبي ابرك لنا ، خصوصا ان اختي مشتهية كلوب ساندويش و شوقتني اكل مثلها 



قعدنا باللوبي الشرح على القنفات اليديد ، بعدين يات الويترس و عطت كوكو ألوان و دفتر يلون في و احنا متصروعين بس خايفين يشخط على اثاثهم .


طلبنا الساندويش مع بطاط للاخ اللطيف و انا خذيت لي سلطه ، شفتوا سلطتي بالصوره ؟ تره هاذي سيزر سالاد ، احنا متعودين صحن يكفي حق ثلاثة انفار ، بس تدرون فندق كشوخه لازم حركات ، و طبعا ما يحتاج اقول ، الاسعار دبل . بس كل شي كان حلو و على ذوقنا


Shirt by Victoria Victoria Beckham available only in black Link and blue Link


اوووووه ما قلت لكم اول ما دخلنا الفندق ، استغربت شفت ستاربكس فاتح عندهم ؟ شكله وايد فخم  ، بعدين استوعبت ، الفندق مال الشايع ، إي اوكي أكيد بكون في ستاربكس ،  بس للاسف كوكو الله يهدي ما خلاني اشوف عدل ، ضروري اردله


المهم القعده كانت ظريفه و لطيفه . يبيله ننام ليله هناك ، جيكت على الاسعار ، الليله تبدي من ١٠٣ دينار للاسبوع الياي ، كاتبين تكفي لثلاثة أشخاص . وايد حلوه . للحجز ضغطوا هني


أذكر أول صور انتشرت بالواتس آب كانت لمارك ، مصورهم بالستوري ، نفسهم موجودين في بلوقه Link

Comments

SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

عشانج يا كويت قاعد بالبيت

ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات  بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد لي

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here