Skip to main content

I Need a Photographer - أبي مصور


 

وايد مرات انسإل منو تعرفين مصورين زينين حق اكل ، منتجات ، هدوم او يهال ، ما اقدر اذكرهم كلهم بوقتها، بس يمر في بالي واحد او اثنين و انا ادري اكو وااايد بالكويت ، قلت ليش ما احطهم في البلوق ، عشان يصير سهل ارد لهم و اذا احد قاعد يدور مصور يطلع له هذا البوست . بحاول اتواصل مع المصورين عشان أعرف نوع التصوير المتخصصين في ، المكان إللي يقدرون يصورون في و سعر تقريبي للخدمه 

ما أقدر أحط سعر واحد لخدمة التصوير، بس أقدر أحط مجموعه للتسعير، و هي عادة تحسب بالساعة ، أو بعدد الصور ، أو في بعض الأحيان الأثنين

 من 5 - 50 دينار
50 - 100 دينار
100 + دينار

 
اليوم بحطلكم مصوره يجذبني تصويرها للورد 
أمينه العبد المحسن
المعروفه باسم DustyRose
البيانات المذكوره تحت يمكن تساعدكم في إختيار أفضل مصور لمشروعكم

 
نوع التصوير
1.        طعام
2.     زهور - يمكن تصوير 10 إلى 12 صوره لزهور منسقه خلال الساعه الواحده
3.     تصوير فيديو

 ملاحظه: خدمة التصوير تشمل تعديل الصور
المكان
 إمكانية التصوير في ستوديو أو خارجي

السعر يحسب السعر بالساعه
يندرج تحت مجموعه 50 - 100 دينار
للحجز
dusty.rose83@gmail.com
 

 
 
I get asked a lot about who is the best photographer for food, products, clothes or babies, I can’t remember them all at the time, but I know that we have a lot of good photographers here in Kuwait. Therefore, I decided to post about them here in the blog, where it will be easy for me to get back to or if someone is searching for one will get this post. I will try to contact the photographers, to learn more about their type of photography, location they are able to shoot in and an approximate pricing for their services.
 
I can’t state an exact price for the photography service, but I could list a range for pricing, as it is mostly calculated by the hour or number of images, or sometimes both.
 
From KD 5 – 50
From KD 50 – 100
From KD 100 +
 

Today I will share with you a photographer that attracts me with her flower arrangments shoots
Amina Al-Abdulmohsen
Which known as Dusty Rose
The information below might assist you in selecting the best photographer for your project

 
Specialized in
1.     Food Photography
2.     Flower Arrangements -  In one hour it is estimated to shoot 10 – 12 arrangements
3.     Videography
 
Note: The photography service includes photo editing and finalizing
 
Location:
The ability to shoot in Studio and outdoors
 
Pricing
Rates are charged by the hour
Her rates comes under the KD 50 – 100 category
 
For booking:
 




 
 



 





Comments

SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

The Black Ice Cream

  قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠ الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد يالله نروح يوم ثاني  و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني

My Favorite Swimwear

  و أخيرا لقيت البراند اللي عرف شلون يصمم المايوه المحتشم للمحجبات   لما ألبسه أحس إني لابسه شي مرتب وعلى الموده و مهتمين بأدق التفاصيل للسباحه Trepezzi براند تركي توه جديد، تأسس في سنه 2018 ، مختص بملابس السباحه المحتشمه و الملابس اللي تحمي من أشعه الشمس لما أقول مهتمين بالتفاصيل ، يعني مثلا البلوزه ما ترتفع و أنا أسبح ، مسوين فيها سير يتثبت بالبنطلون من الأجناب بزراير   و تضبطين طبعا الطول اللي يناسبج و تقصين الباجي الشي الثاني الجم ضيج عشان لما أسبح ما يرتفع بعد بالماي و التوب مو مخبخب و تنتفخين لما تطبين ، شي لابج  التوب في سحاب من جدام فجدا سهل أفصخه لما أخلص من السباحه ، مو أتعافر مع التوب نفس باجي اللبس المعتاد توه اليوم منزلين مجموعه يديده ، كلش ما توقعت بنزلون شي خصوصا إن  الصيف بخلص  ما قدرت أقاوم ، طلبت هذا التوب الوردي المشير عجيييب يخفي العيوب  Link طبعا أنا ماخذه كل الموديلات من كثر ما أنا معجبه فيهم وأبي أشوف شنو مسوين لنا مثلا العام الماضي التوبات كانوا قصار ، السنه طولوهم شوي و السنه عندهم موديل ال surfersuite  ألبس المايوه و فوقه بنطلون لازقه في التنوره   هذا ما لبسته