Posts

Showing posts from 2016
modaoperandi.com

تجديد رخصة بكله - الجزء الثالث : وزارة الإعلام

Image
و تستمر رحلة تجديد رخصة مؤسسة بكله اليوم توقيع وكيل وزارة الإعلام في منطقة شويخ الصناعية أول مره أدري إن الوزارة عندهم مبنى هناك طبعا أنا ما راح أشوف الوكيل ، أعطي السكرتاريه الطلب و أهم يوقعونه و يدزونه لمكتب الوزارة الثاني في الحكومه موول وجذي إفتكيت من المشاوير إللي مالها معنى و يبقى أرد حق وزارة التجاره ، المدنيه و آخر شي غرفة التجاره هذول كلهم في الحكومه مول Note to self تجديد الرخصه كل 4 سنوات تجديد وزارة الإعلام كل سنتين


عاد و انا بالطريج أدور الوزاره شفت مبنى كبييير و شكله يديد طلع المبنى للهيئة العامه للبيئه أنا يمكن أول مره سمعت فيهم كان في مجمع 360 مسوين بووث يثقفون الناس عن شغلهم و البيئه هذا موقعهم حق إللي يبي يعرف أكثر عنهم Link

تجديد رخصة بكله - الجزء الثاني : روحي الشويخ

Image
بدعوا ، بدعوا الوزارات بإجراءاتهم لعبه مو تجديد أوراق لعبة و فيها مراحل عشان أوصل حق الرئيس الأخير و أنا سوبر ماريو اليوم توقيع وزارة الإعلام ليش الإعلام ؟ لأن بكله موقع يعلن عن عروض الصالونات المشكله أنا مار علي كل هذا قبل ، شلون نسيته ؟ و معقوله بعد 4 سنين ليما ألحين نفس الإجراءات ، ماكو شي تطور ؟ المهم ، رحت اليوم برج التحرير – حكومه موول إللي مفروض يخدمنا بكل شي و ما يحتاج نفتر رحت حق وزارة الإعلام ، أول ما قلت للموظفه تجديد مؤسسه ، سيدة ردت علي بشويخ ابتسمت و قلت لها : مو معقوله ، ليش مو عندكم ؟ الموظفه: لازم يوقع عليها الوكيل أنا: من صجج ؟ شدعوه الوكيل بطل بالورقه وله يدري شنو مكتوب فيها ؟ ليش ما عندكم سستم بدال هالفراره تحولت إللي العميل المعصب إللي الموظف يسكت عشان يسمعه و يرد يقوله نفس الكلام أنا بروحي مت على ما لقيت موقف ، و يوم وصلت تقولي روحي شويخ؟! و قالت لي إنت أول ما سويتي تسجيل نفس الشي ، رحتي شويخ و ياتنا الورقه هني و انت إستلمتيها ليش ما أذكر كل هذا؟

تجديد رخصة بكله - الجزء الأول

Image
شي شي خيال إجراءات تجديد الرخصه
السنه خلصت رخصة بكله، قلت بسيطة ، أروح حكومه موول و أجدد الرخصه
أنا عبالي أروح ادفع فلوس حق التجديد و أطلع ، أت ح لم
إجراءات التجديد نفس إجراءات التسجيل
روحي التجارة
التأمينات
المدنيه
البلديه
الإعلام
وردي مره ثانيه التجارة
أنا محد حارني إلا الطباعين ، مالهم سالفه ، من صجهم ؟ روحي حق الطباع عشان يطبعلج الطلب ؟ شنو هذي المهزله ، إحنا ألحين كل شي اونلاين و إيميلات ، ليش ما تشيلونهم ؟
كل ما رحت حق جهة قالولي ردي حق الطباعين

المهم اليوم الصبح رحت البلديه بالفروانيه ، لأن المحل المؤجر يتبع الفروانيه ، و توني راده من هناك و مو مصدقه إللي مريت في ، كل هذا بس عشان تغير عنوان المحل المؤجر ، باجر لو أحد يسألني شنو الإجراءات إللي سويتها ما راح أذكر

Feathers Design

Image
تصويري للمجموعه الشتويه من Feathers Design هذا اول تصوير لهم من بعد انقطاع سنتين بالانستغرام ، كتصاميم موجوده و حتى تسولف لنا مشاركاتها باكثر من معرض بالكويت ، الرياض و البحرين بس للاسف ما صورت القطع .  
update
المجموعه موجوده ألحين في موقع ذوقي Thouqi.com
مكان التصوير كان في مكتب صديقتها المصممه الداخليه ضحى المطوع ، المكان حده شرح و مرتب ، هم ضحى مو نشطه في انستغرامها ، فماكو صور وايد بالاكاونت ، بس من هذه الصور القليله  مبين ان شغلها مرتب و نظيف، صممت لبيوت و محلات. حلو الواحد يضيفها إلى لستة المصممات الداخلين اذا كنتوا ادورون Instagram : duha.almutawa
‏طبعا وقت التصوير صار فيني فلم أنا وصلت عبالي انه في شمس وما أحتاج الفلاشات ، ‏طلع المكان ما في الا دريشة وحدة ، مستحيل أصور بدون فلاشات ، دقيت على ريلي قلت له اييب لي الفلاشات ، ‏مسكين ‏عقب نص ساعة وصل و معاه الفلاشات . نزلت خذيتهم من سيارته و رديت فوق المكتب اركبهم و نبدي  تصوير ، ‏ادور الtriger - الجهاز الصغير اللي ينحط فوق الكاميرا و يشغل الفلاشات - ما لقيته . رديت دقيت علي وقلت الحين بيذبحني ، اشوه ما قالي شي ، ورد البيت و يابلي الجهاز…

Fix & Go

Image
كل شي صار على سناب جات، فساعات تنعرض معلومات عن أشياء وخدمات حلوهبس للأسف تروح بعد 24 ساعة والواحد ما يقدر يرجع لها. صج إن في برنامج يحفظ كل سناباتك وهو برنامج موجز، بس هم ما تقدر تبحث بالموضوع وإذا تسجلت المعلومات على الإنستغرام الخاص بالشخص، نفس المشكله ما تقدر تبحث  فقلت ليش ما أسجل كل شي يعجبني في البلوق يمكن أرجعله أو أستخدمه بعدين بالمستقبل فمثلا ، أمس على سناب Classy Girl كانت حاطه عن خدمة خياطة توصلك لي البيت تبين تقصير ؟ تصليح ؟ ميني فان توصل لي بيتكم فيها خياطات حريم ، ياخذون منج الهدوم و خلال نصيخلصون هاذي كانت تجربتها ، عندها عبات تبي تقصرها خلصوها بنص ساعه ، و سعرهم يبدي من ٤ دنانير ، و طبعا يختلف باختلاف الموديل و الخام
إسم الشركه Fix and Go

كما تم مشاهدته على سناب كلاسي غيرل حسيت جملتي الأخيره نفس مسجات الواتس أب ( منقول ) آو (كما وردني من فلان)
:) Snapchat: classygirlq8
Instagram: Classy_girl 



Pay Me

Image
قبل جم يوم كنت مفكره أكتب بوست عن السايتات و الابليكيشنز اللي توفر خدمة الدفع، كنت بذكر ٣ شركات 1.تاجر - انا استخدمه شخصيا Taajr 2.تاپ - إختي توها مشتركه معاهم حق شغلهاإبره
GoTap 3.ماي فاتوره -برنامج توني اقره عنه فيبلوق مارك MyFatoorah بعدين جان اشوف أمس وله بنك بوبيان منزلين خدمه يديده اسمها Pay Me الصراحة مو يديده يديده ، كانت موجوده بالأبليكيشن بس عدلوا عليها شوي إنزين، ألحين شنو الشي المشترك بين كل هذه الشركات ؟ إن تقدر تجمع المبالغ المطلوبه من الناس عن طريق رساله نصيه فيها لينك للدفع، مثلا، عندك بزنس صغير و أحد يبي يشتري منك شي، تقدر ادز له فاتوره عن طريق رساله بالموبايل و يصير سهل علي ان يدفعلك
modaoperandi.com