Skip to main content

S_SquaredQ8



قاعده أحاول كثر ما أقدر إني أرد أكتب بالبلوق ، بس الموضوع وايد صعب مع بيبي
 
يروح الوقت بسرعه ،أرد من الدوام ، بيبي يوعان ، بييبي يبي ينام ، بيبي قعد ، بيبي يبي يلعب ، ياكل و يرد ينام
 
ناهيكم عن ، وينه بابا ؟ متى يوصل بابا ، يالله بابا وصل ، يمكن نطلع إذا بيبي قاعد
 
و أنا ويه وجهي ، أروح و أقترح على صاحبة
 
S_SquaredQ8
 
إني أعرض لها قطعه من قطعها ، لأن حنيت لأيام البلوق و التصوير ، و لأن عاجبني شغلها و حبيت أبرز أكاونتها ، كنت ماخذه من عندها دراعه برمضان ، و أحس ستايلها يمثلني و أسعارها مناسبه ، أقل من 100 دينار
 
و مسكينه إدزلي القطعه بنفس اليوم إللي طلبتها ، و احس بالذنب على كل يوم يمر و أنا ما صورتها
 
أمس أخيرا ، وافق إن المصور موجود (زوجي) و كوكو نايم و أنا جاهزه نفسيا للتصوير



البشت الله يسلمكم ، خامه حلو و خياطه مرتب ، بس حسافه طالع وايد كبير علي ، لو ادري ان في مقاسات جان طلبت سموول ، بلغتني صاحبه الشغل ان اذا تبونه اصغر و قد الجسم تقدرون تطلبونه جذي ، بس اذا تبون تلبسونه حق الطلعه و الدخله من بيت لي بيت ، فوق الهدوم يغطي ، او حق شاليه او مزرعه ؟ تقدرون تاخذونه وسيع و راهي ، على فكره أهو تره مو بشت يدفي
 
في أكاونتها أشياء ثانيه حلوه ، أكو نفس الموديل بس بدون كموم  ، يمكن هذا ينفع حق طلعة عاديه و عمليه ، إخذوا فره بالأكاونت



Instagram Account S_SquaredQ8


Comments

SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

عشانج يا كويت قاعد بالبيت

ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات  بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد لي

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here