modaoperandi.com

البيجامات و الفنايل




نكمل بوستات اكتشافات أغراض البيبي

بيجامات اليهال
حبيت ملوت نكست ، شريت كذا وحده قبل لا اولد على حسب اللي عجبني ، إللي ما انتبهت له إلا بعدين ، إن الافضل تكون البيجاما كلها طباقي من جدام ، توهقت بالبيجامات اللي صكتهم من وره ، صعبين حق تغيير الحفاضه ، او اللي تدخل من الراس ، الطباقي يكون بس من تحت ، صوب الحفاضه ، هذوله فاشلين ، يقعد يبجي سنه على ما تدخل  

و الشي الثاني ، عشان البيبي ما يشمخ نفسه ، البيجاما فيها قماش ينجفس عشان يصك على اليد، أمي كانت ماخذه لي من مارك اند سبنسر ، طلعوا الكموم وايد قصار ، لما اصك ايد ولدي تنجفس من كثر ما الكم قصير ، ما عجبتني ، و صوب الرقبه الدلعه وايد كبيره مادري شلون قايله ، احنا بروح موت برد من المكيف . 






هاذي اللي توهق





بالنسبه للفنايل نصحوني رفيجاتي اخذهم من هوم سنتر ، قسم الاطفال (جونييرز) 

اللي بالصوره فوق ، قالوا لي هذا الموديل احسن عشان اذا حاشها وصخ ، ما يحوش وجه البيبي وقت التغيير ، مو نفس الفنيله الكامله ، لانها لازم تطوف من الراس .  صح يمكن اول شهرين كانت مفيده ، لان كل شوي موصخ روحه ، بس بعدين مليت منها ، فيها الف طباقي ، اتعب على ما البسه و اغيرله، فرديت على الموديل الكامل ، اريح ، اسرع بالفتح و الصك.



كنت ماخذه من جونييرز و امي بعدين خذت لي من نكست ، حسيت مالوت نكست (على اليسار) انعم و اوتب من ملوت جونييرز

Comments

modaoperandi.com

Popular posts from this blog

عدساتي بنص السعر أون لاين

و أخيرا صار عندنا فندق سنع

دراريع بأقل من ٥٠ دينار