Skip to main content

Risho Collection















ما وراء الكواليس

شريفه بودي صاحبه ريشو كولكشن ، صار لها تقريبا 4 سنين تعرض مجموعتها الرمضانيه
قبل التصوير ، قابلتها عشان أشوف مجموعتها و شلون بنصور
سألتني سؤال ، قالت إنتي شنو خاطرج في ؟ شلون ودج تصورين ؟
الصراحه انا ما أحب أختار ، أبي صاحبة المجموعه تختار عشان روحها و ذوقها يطلع بالصور مو أنا
بس يوم إنسألت ذكرتني شريفه أني من قبل يومين كنت دازه مسج حق نوره الشايع - مصممه الأعراس و الحفلات - طالبه منها تدزلي الورد الوردي إللي أنا شايفته في أكاونتها بالإنستغرام ، مستخدمته في عرس ، كنت أبي خلفيه للتصوير
فقلت لشريفه ، هذا الصراحه إللي صج كان ودي في
قالت منو ؟  نوره ؟ نوره رفيجتي ، ألحين أدز لها مسج
أنا ما صدقت ، رفيجتج ؟؟؟؟ !!!! شنو هالصدف
أوكي دزيلها
و ما قصرت ، يوم التصوير دزت الورد بالوقت و قعدنا جكجكنا لما خلصنا و إنتقلنا للفقره الثانيه










و إحنا نصور صوب الورد شغلوا إغنية سعد المجرد - إنتي بغيه واحد - و معلين عليها على الآخر
عاد نفس اليوم إهو كان في الكويت في مجمع الحمرا
إنزعجت ، كنا قاعدين نصور بهدوء في شويخ ماركت ، توني أكتشف إني ما أقدر أركز بالتصوير مع الأغاني
جان أقول حق شريفه منو إللي مشغل الأغنيه ؟
شريفه : محل ديكو زين إللي بنصور في بعد شوي ، على بونه مغربي فحاطين أغاني مغربيه ، بنسوي جو
أنا : اوبسسسسس ، أوكي
الصور إللي فوق كانت بالمحل 


شريفه راح تعرض في بيتها بضاحيه عبدالله السالم
قطعه 2 - شارع 28 منزل 8
يوم الأثنين و الثلاثاء
تاريخ : 21 / 22 إبريل
من الساعه 5:00 - 9:00


تابعوها على الإنستغرام ريشو كولكشن
مصممه الأعراس و الحفلات نوره الشايع  إنستغرام
محل ديكوزين للتصميم الداخلي - تخصص تصميم مغربي - في شويخ ماركت  إنستغرام

Comments

SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

عشانج يا كويت قاعد بالبيت

ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات  بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد لي

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here