Stitches by Shahad

هذا الشهر و إللي بعده عندي وايد جلسات تصوير ، شكلي بصير مجلتكم الرمضانيه للدراريع

وحده من البنات إللي راح أصور لها إسمها ستيشز باي شهد

Stitches by Shahad

إختارت التصوير إللي أنا أسمي لبسوني

بهذا النوع من التصوير أنا أعرض الهدوم و أصورهم عندي بالأستديو

طبعا قبل لا إهي تدز الدراريع تصير محادثات و مناوشات بالواتس أب ، و إدزلي صورللأشياء إللي ودها تعرضها

من خلال النقاش ، دزيت لها نفنوف فيكتوريا بييكام الأزرق إللي أنا ميته علي بس مستغليته

فقلت لها شفتي ؟ يليت أحد يسوي شي جذي ناعم و ساده ملينا من المشير والترتر

هاهاها

هي هي هي

بعد إسبوع وله توصلي صوره من شهد

نفنوف وردي طويل مع مسج تقول فيها

سويته لج

وااااااااي لا ما أصدق

إصدمتني ، كنت بس قاعده أسولف

طلبت منها تدزه قبل المجموعه الكامله

ميته أبي أقايسه و أشوفه بالصج

وصلني ، و هذا إللي تشوفونه بالصوره تحت ، مريح و خفيف

إنشاء الله راح تشوفون مجموعه شهد قريبا بالبلوق

شهد راح تعرض أغراضها بتاريخ 10 - 13 أبريل في حطين قطعه 3 شارع 320 منزل 50

تابعوها على الإنستغرام إضغط هنا

This March and the month after I have a number of photography sessions , it seems that I will be your Ramadan magazine for this year

One of the girls that I will be taking photos for is Stitches by Shahad

She chose the Dress me Up post (Labsoni as we say in Arabic) and its where she sends me a number of items and I get to shoot the ones I like.

Of courses before she sends anything we get to chat on whatsApp and she shows me pictures of her work and the things she wish to shoot, while we were chatting I sent her a pictures of Victoria Beckham's blue dress, saying I wish someone could do something as simple and plain as this

HA HA HA

HE HE HE

after a week I receive a picture from her of a long pink dress with a message saying: I made it for you

I was SHOCKED

no way , I was just talking

I was so excited I asked her to send it to me before her whole collection

I wanted to try it on and see how it looks

I got it , and you could see it below plain and simple :)

Will be sharing with you Shahad's collection soon on the blog

She will view her collection on the 10 - 13 April in Heteen Block 3 Street 320 House 50

You could follow her on instagram @StitchesbyShahad

Comments

باي نومه لبستني

بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب 00965-55335421 Instagram : ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. This post is brought to you ByNouma As you can see, she dressed me up from her famous summer bisht collection In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

The Black Ice Cream

قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠ الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا ويوم استانسنا و لقينا موقف و وصلنا المحل الا صاك .... لااااااااااا شلون ما انتبهت إن المحل يصك يوم الأحد يالله نروح يوم ثاني و اليوم أخيرا قررنا نروح ، و طول الطريج و أنا أقول عسى بس يسوه هذي العنوه اسم المحل Vermilion أول ما دخلت سيده قلت حق الريال أنا يايه حق هذا و أأشر على البرد الاسود ، قلت له أبي أجربه ، عطاني

My Favorite Swimwear

و أخيرا لقيت البراند اللي عرف شلون يصمم المايوه المحتشم للمحجبات لما ألبسه أحس إني لابسه شي مرتب وعلى الموده و مهتمين بأدق التفاصيل للسباحه Trepezzi براند تركي توه جديد، تأسس في سنه 2018 ، مختص بملابس السباحه المحتشمه و الملابس اللي تحمي من أشعه الشمس لما أقول مهتمين بالتفاصيل ، يعني مثلا البلوزه ما ترتفع و أنا أسبح ، مسوين فيها سير يتثبت بالبنطلون من الأجناب بزراير و تضبطين طبعا الطول اللي يناسبج و تقصين الباجي الشي الثاني الجم ضيج عشان لما أسبح ما يرتفع بعد بالماي و التوب مو مخبخب و تنتفخين لما تطبين ، شي لابج التوب في سحاب من جدام فجدا سهل أفصخه لما أخلص من السباحه ، مو أتعافر مع التوب نفس باجي اللبس المعتاد توه اليوم منزلين مجموعه يديده ، كلش ما توقعت بنزلون شي خصوصا إن الصيف بخلص ما قدرت أقاوم ، طلبت هذا التوب الوردي المشير عجيييب يخفي العيوب Link طبعا أنا ماخذه كل الموديلات من كثر ما أنا معجبه فيهم وأبي أشوف شنو مسوين لنا مثلا العام الماضي التوبات كانوا قصار ، السنه طولوهم شوي و السنه عندهم موديل ال surfersuite ألبس المايوه و فوقه بنطلون لازقه في التنوره هذا ما لبسته

Me Blogging

Search This Blog