modaoperandi.com

ريفا لبسوني



ملاحظه: كل شي من ريفا ما عاده الجوتي 

هذا اول بوست ينزل من بوستات لبسوني

فكره هذي البوستات إن المحلات أو أصحاب المشاريع الصغيره تلبسني من مجموعتهم على ذوقهم ، يعني مو أنا إللي أختار التركيبه ،  لأ ، أهم يقولولي شلون ألبسها، عشان أطلع مختلفه عن لبسي و ستايلي ، اتوقع مليتوا تشوفون نفس الموديل كل مره ، قلنا إنوع



فهذا اللبس كله من محلات ريفا

 ريفا عندهم أفرع في كل مكان بالخليج تقريبا ، الكويت ، دبي ، أبو ظبي ،الشارقه ، قطر ، السعودية ، البحرين



النفنوف واااايد مريح ، يليت كان أطول جان ما لبست تحته شي ، أنا عندي مجموعه من الهدوم أسميهم إلبس و إطلع ، ألبسهم إذا ما عندي وقت أفكر و أركب ، فهذا يندرج تحت هذي القائمة ، إلبس و إطلع



ملاحظه: كل شي من ريفا ما عاده الجوتي 




مو ستايلي صح :) صرت غير؟

 التركيبه حلوه بس حسيت الجاكيت جنه ما كان يبيله تنوره ، معرضني ، إهو نوعا ما طويل لو مع بنطرون جان يمكن طلع غير





ملاحظه: كل شي من ريفا ما عاده الجوتي 





الجاكيت وايد مرتب ، من الأشياء إللي حبيتها بالمجموعه

التركيبه حلوه ، بس للأسف وايد القميص قصير ، ما ألبس جذي إذا كان البنطرون ضيج 
البوت كان مريح





سايت ريفا إضغط هنا

و الإنستغرام 



Comments

modaoperandi.com

Popular posts from this blog

باي نومه لبستني

و خلصنا أول أسبوع بالمدرسه بسلام

و نودع أيام السهر