modaoperandi.com

جديد بكله






هالأيام وايد مشغولين في سايت بكله

سايت حجز المواعيد لعروض الصالونات

غير المواعيد بنزل خدمه يديده و هي محل بكله

بس قبل لا نبدي فيها رسمي ، بنجربها مع شركه توها طالعه إسمها سمول كويت


أنا من قبل جم يوم كتبت عنهم ،و هم سايت يوفرون لكم صفحه عندهم لبيع منتجاتكم

وايد تفيد للمحلات الصغيره إللي تبي يكون عندها سايت بس ما تبي تقط مبالغ كبيره 

فإحنا إحتجنا لخدماتهم و قلنا نجرب معاهم

و أمس كان أول ظهور لمحلنا الصغير بكله

و أول شي عرضنا فيه هو جناط بكله للمكياج

إذا حابين تطلبون ضغطوا هني

و إنشاء الله بعد فتره بتشوفون منتجات يديده من الصالونات المشاركه معانا


Comments

amal66 said…
السلام حبيت الشنطة وايد بس شكله الموقع مايوصل البحرين فيديني اذا حبيت اطلبها وانا في البحرين
August 4, 2013 at 1:13 PM
Me Blogging said…
ابعثي لنا ايميل باسمك رقم تلفونك و العنوان و احنا انشاء الله نحسبلك التوصيل كم

Our email
Info@boklah.com
August 4, 2013 at 1:16 PM
Post a Comment
modaoperandi.com

Popular posts from this blog

باي نومه لبستني

Image
بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه
باي نومه لبستي من مجموعة البشوت الصيفيه إللي إهيا مشهوره فيها
في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11
للطلب عن طريق الواتس أب 
00965-55335421
Instagram :  ByNouma



(Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. 
This post is brought to you ByNouma
As you can see, she dressed me up from her famous summer bisht collection 
In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel - Dubai Mall  (Dates: 9/10/11)
For orders contact her thorugh WhatsApp
00965-55335421
Instagram :  …
Read more

و خلصنا أول أسبوع بالمدرسه بسلام

Image
يوم التعارف وصلنا المدرسه على الساعه ٩ طبعا لأن رحنا بعد الدوامات ، فكلش مو مقياس حق الزحمه المهم ما كان أكو وايد أهالي ، يمكن كنا تقريبا ٥ عوايل ، بدت المدرسه تشرح شنو بسوون ووزعت علينا أوراق فيها البرنامج  و كل الأشياء التعريفيه ، متى نوصله المدرسه ، النظافه ، الأغراض المحتاجينها منه ، جدول الحصص ، الأكل ، و جذي
أنا بس عيني على كوكو بشوف شنو بسوي ، طبعا أول ما قعدنا سيده قال أنا بروح ، وين تروح تونا يايين ، دورتله لعبه و له تركيب ، أشوه بده يلعب و لها فيها ، بعدين و المدرسه تشرح أشوف بيده مثلث من خشب و مجابل واحد من الصبيان و يقوله هذا شنو ؟ الولد ساكت يرد يعيد علي هذا شنو ؟ الولد يرد علي،  شنو هذا ؟ و يقعدون جذي ، واحد يسأل الثاني لما تعب كوكو و قاله هذا دائره لااااااا هذا مثلث كوكو ، تعلم الولد غلط 
و يرد يجابل ولد ثاني و يبله صوره حصان و يقوله هذا مووووووو موووووو هووو أي مووو هذا حصان ؟  يالله بعد شنسوي موو موو المهم مو مخترغ
بس خلصت شرحها المدرسه رحنا سجلنا اسم العائله الكريمه كلها عند الاستقبال عشان اذا احد بمر ياخذه ، اسمه موجود
 وين نروح ألحين ؟ الآفنيووووز طبعا أنا مو مصدق…
Read more

و نودع أيام السهر

Image
باجر راكان يبدي مدرسة أو بالأصح اليوم إللي بعده ، باجر آنا وياه نروح ليوم التوجيه و التعارف ، كاتبين  من الساعه ٩ لي ال ١٢ ، بس ما اتوقع طول هذي المده بنكون هناك . يالله نكتشف باجر

 المهم ،  أنا بكتب هذا البوست لنفسي ، لأن أدري مع الأيام راح أنسي إحنا شنو كنا نسوي و شلون كانت حياتنا لما كوكو كان عمره سنتين و نص

كانت أيام حلوه ، مليئه بالسهر و النوم لي الظهر ، حياة مراهقين مو ياهل

طبعا وايد بنات عندهم إن إللي قاعده اسوي غلط و إن ماكو نظام ، و إن مو قاعد ياخذ كفايته من النوم

بس أنا بنظري في نظام بس الأوقات تختلف ، يشبع نوم بس بطريقه ثانيه ، كوكو ينام الساعه ١ بالليل أو ٢  ، أول و لمده سنتين تقريبا كنت أودي الصبح  بيت أهلي من الساعه ٧ و أروح الدوام ، يقعد ساعتين يتريق و يرد ينام تقريبا الساعه ١٠ لمدة ساعتين او ثلاث ساعات و  بعدها يقعد الظهر  ، يتغده و ينطرني لين أرد من الدوام على الساعه ٤ ، آخذه و أرد بيتنا أنومه و نتغده و بعدها كلنا ننام لي الساعه ٧ أو ٨ . نقعد كلنا و تبدي حياتنا مع بعض في هذا الوقت . يا نروح الأفنيوز أو نروح نتعشى بمطعم أو نقعد بالبيت يلعب و نجابل التلفزيون . من ردين…
Read more