Skip to main content

للأجانب فقط


صوره لشقه في حطين ، أبي نفس هذا الموديل



طبعا بعد الزواج انا ألحين عايشه في شقه صغيره في جنوب السره مع باجي المتزوجين حديثا
شكلنا يضحك في هذي الفتره في رمضان ، كل جنوب السره وقت الفطور يهجون لبيت أهاليهم عشان يتفطرون هناك ، محد يطبخ
المهم مو هذا موضوعنا ، إحنا في بيت في 3 طوابق ، كل طابق في شقتين ، يعني إحنا دورنا في شقه ثانيه ، إنصدمت أول الأيام و أنا طالعه من شقتنا و له أشوف جيس زباله جدام الباب !!!! شنو هذا ؟ الشقه إللي يمنا قاطين زبالتهم جدام الباب؟ ليش ؟ عيزانين تشيلون زبالتكم و تنزلونها تحت ؟

يا سلام إكتشفنا بعدين إن الحارس الله يهدي معلمهم على جذي ، يمر على دور دور يشيل لهم الزباله ، و إحنا نخيس من الريحه على ما ننطره ياخذها
مأسااااة

أشوف بالإعلانات حق الشقق الحلوه كله يكتبون للأجانب فقط ، و أنا أقول شدعوه شنو بنسوي بالمكان؟
ناس يقولون لنا حمدوا ربكم ، على الأقل بره مو داخل الأسنسير حاطين الزباله ، و حمدوا ربكم ما يمكم يهال يبجون عليكم و تسمعون صراخهم
في هذا صاجين ما نسمع حس أحد ، أشوه


شوفوا شنو لقيت ، سايتات تعرض الشقق و البيوت المتوفرة للأجار أو البيع
My favorite, big pictures and clear prices and areas


إذا عندكم نصايح عن الأجار أو حيل شلون تلقون مكان حلو و سعره زين علمونا أو شاركونا تجربتكم



Comments

Shurooq said…
افضل موقع انا جربته re.com.kw
Madame Sucre said…
Awal ma I got married we rented in Surra dour mn villa .. Wayed quite o clean .. The kitchen needed work through.. I still remember my place and miss it loads . Bs ya3ny not top , it was temporarily before we moved in with inlaws.

A friend of mine rented an apartment overlooking the gulf. Tgool we are only 2 no kids so heck lets enjoy the view and the nice apartments. She stayed there 2 years then moved into her newly built home.

Best of luck to you. That is never easy. Even Renting shops in Kuwait is a nightmare ! ❤❤

Madame Sucre xoxo
Om GhaMaZaT said…
السلام عليكم
وانا اقرى موضوعج قاعده اضحك مادري ليش احس ان انتي يارتي .. لان الوضع يضحك احنا كان قايلنا الحارس يبي يترزق الله ندفعله مبلغ بالشهر على اساس يشيل الزبالة من عند الباب لكن اللي لاحظته ان ياخذ نص يوم على مايشيل الزباله زفه ريلي وقام اهو ينزلها لوووووووووووووول وااي كل ما اذكر سالفتج شكيت بنفسي
Me Blogging said…
Om ghamazat

et'hagain :)?

shlon al7een n3aref?

etha sheftene golele y3as3is el ghalas o ana ared o agool ya mtaktak :p
Anonymous said…
السلام عليكم حسيت وضعج نفسي صارلنا اسبوعين ندور شقق في جنوب السره وغرب مشرف واكتشفت ان مايبون كويتيين!!بس اجانب ليش؟؟ حتى العمارات الي على شارع الخليج بالشعب بس اجانب ووافدين :) الله يوفقج وتتهنين بالمكان الي تبينه بس سؤال الشقه الي بالصوره وين بحطين بضبط؟
Anonymous said…
اختي ياليت تكتبين بلوغ عن موضوع الأجارات لأن جد الوضع مزري ، وماكو احد راضي يأجر لنا كله اجانب او معاريس ، واذا كلش حصلنا قالوا لنا الاجار علي ٧٠٠ و ٨٠٠ وتلاقينه محكر !!! ، شالحل وين نروح محتاجين تفيدينا لوسمحتي.
وللعلم الاجانب يأجرون لهم فيلا كاملة بسعر المحكر اللي يأجرونه علينا ، ماني فاهمة ليش الكويتين جذي نحيسين مع بعض !!

Popular posts from this blog

باي نومه لبستني

بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه
باي نومه لبستي من مجموعة البشوت الصيفيه إللي إهيا مشهوره فيها
في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11
للطلب عن طريق الواتس أب 
00965-55335421
Instagram :  ByNouma



(Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. 
This post is brought to you ByNouma
As you can see, she dressed me up from her famous summer bisht collection 
In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel - Dubai Mall  (Dates: 9/10/11)
For orders contact her thorugh WhatsApp
00965-55335421
Instagram :  

The Black Ice Cream

قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here