البراري - تكملة الحره في دبي

البراري

أنا ما سمعت في من قبل، بس قالولي لازم تروحين مطعم عندهم إسمه

The Farm

و تتريقين هناك ، أنا ما أقعد مبجر عشان أتريق ؟ بس قلت يالله نروح نشوف ، شورانا؟ بس طبعا رحت المغرب

المكان خيال ، إهو عباره عن مشروع فلل سكن خاص بالصحراء بس صحراء مزروعه بزرع ما نشوفه إلا بره بالسفر ، حتى الطيور إللي هناك غير ، أتوقع مأجرينهم يونسون السكان

أنا كنت ميتة أبي أشوف البيوت داخل ، أبي توور ، بس قالوا لا ما نقدر نوريكم شي تعالوا باجر اليوم إجازة

قعدنا بالفارم ، بس شربه قهوة و إحنا مجابلين البحيره الحلوه إللي مسوينها ، بعدين تمشينا بين البيوت و نتحلطم على الكويت ، ليش ما عندنا شي حلو جذي ؟ مو إلا بيوت على الأقل فندق ، آآآه صار فيني هوس البراري ، من ردينا الكويت و انا بس أدور عنهم أون لاين أبي أعرف جم أسعارهم ، و إكتشفت للأسف إن البيوت أسعارها تبدي من مليون و نص كويتي

The Farm

خل أوريكم صور للفلل داخل من سايتهم عشان تموتون

صار ألحين ما عندي سالفه غير البراري و بيوت البراري

source

لمعلومات اكثر عن المشروع إضغط على الموقع تحت

Al-Barari Website

Comments

Anonymous said…

shlon kan eljaw? mo wayed 7ar ?

June 25, 2013 at 8:54 AM

باي نومه لبستني

بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب 00965-55335421 Instagram : ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. This post is brought to you ByNouma As you can see, she dressed me up from her famous summer bisht collection In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

The Black Ice Cream

قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠ الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا ويوم استانسنا و لقينا موقف و وصلنا المحل الا صاك .... لااااااااااا شلون ما انتبهت إن المحل يصك يوم الأحد يالله نروح يوم ثاني و اليوم أخيرا قررنا نروح ، و طول الطريج و أنا أقول عسى بس يسوه هذي العنوه اسم المحل Vermilion أول ما دخلت سيده قلت حق الريال أنا يايه حق هذا و أأشر على البرد الاسود ، قلت له أبي أجربه ، عطاني

My Favorite Swimwear

و أخيرا لقيت البراند اللي عرف شلون يصمم المايوه المحتشم للمحجبات لما ألبسه أحس إني لابسه شي مرتب وعلى الموده و مهتمين بأدق التفاصيل للسباحه Trepezzi براند تركي توه جديد، تأسس في سنه 2018 ، مختص بملابس السباحه المحتشمه و الملابس اللي تحمي من أشعه الشمس لما أقول مهتمين بالتفاصيل ، يعني مثلا البلوزه ما ترتفع و أنا أسبح ، مسوين فيها سير يتثبت بالبنطلون من الأجناب بزراير و تضبطين طبعا الطول اللي يناسبج و تقصين الباجي الشي الثاني الجم ضيج عشان لما أسبح ما يرتفع بعد بالماي و التوب مو مخبخب و تنتفخين لما تطبين ، شي لابج التوب في سحاب من جدام فجدا سهل أفصخه لما أخلص من السباحه ، مو أتعافر مع التوب نفس باجي اللبس المعتاد توه اليوم منزلين مجموعه يديده ، كلش ما توقعت بنزلون شي خصوصا إن الصيف بخلص ما قدرت أقاوم ، طلبت هذا التوب الوردي المشير عجيييب يخفي العيوب Link طبعا أنا ماخذه كل الموديلات من كثر ما أنا معجبه فيهم وأبي أشوف شنو مسوين لنا مثلا العام الماضي التوبات كانوا قصار ، السنه طولوهم شوي و السنه عندهم موديل ال surfersuite ألبس المايوه و فوقه بنطلون لازقه في التنوره هذا ما لبسته

Me Blogging

Search This Blog