دبي تحر

بالإجازة إللي طافت (إجازة الإسراء و المعراج) رحنا دبي ، و كان المفروض تكون رحلة تشمس إنقلبت رحلة تسوق

فلل الفندق إللي كنا بنقعد في

One and Only - The Palm

كلها محجوزة ، و المتوفره كبيره علينا وسعرها نااااار ، كانت تقريبا 1200  دينار بالليله

أوكي مو مشكله ، قلت مدام واصلين دبي خنروح نشوف المكان إللي كنا بنقعد في ، يمكن يحصل لنا روحه ثانية و نقعد عندهم

مدخل الفيلا

آآآآآه شي خيااال

هدوء و نظيف و الجو بديييع

طبعا اول شي يطري في بالي ، ليش ما عندنا شي حلو جذي بالكويت ؟

طبعا  وراي بالصوره كل واحد منسدح يتشمس وكتابه بيده و له آيباده و يقره

هني رايحه أنتحر من الحره ، كل شي حلو

لا لا اضحك وياكم ، رايحه بشوف الفلل البرايفت ، صج برايفت وله مفتوحين

هممم جنه ماكو طوفه ، مو ذاك البرايفسي إللي توقعته ، و إللي يشتغل بالفندق شفته يتخطرف جدام البيت إيمع الفوط من على البحر الناس مخلينهم وقت تشمسهم إظاهر

بس يعني ، شوي البيت مغطى  بالزرع ، حق وحده متحجبه ما أتوقع ينفع ، إلا إذا عينت لها مراقب يشوف الرايح و الياي

حجز الفلل مو موجود أون لاين ، لازم تدقون تلفون على الفندق أو عن طريق مكتب السفريات

دبي تحر من جمالها و ترتيبها ، يليت عندنا ربع إللي عندهم

الرحله اليايه إللي البراري  ، عشان تحترون عدل