Skip to main content

Jelly Pedicure





صالون بيتي بووب  عرضوا علي أجرب  العلاج الجديد  للباديكيور  و هو الجلي باديكيور ، قلت ليش لأ ، دامي أنا أم بكله ألحين ، لازم أعرف كل شي يديد بالسوق 

  توضيح: بكله هو مشروعنا إللي راح تعرفون عنه قريبا   - سايت

و رحت ، و هذي او. زياره لي في الصالون ، ياتني كرستي ، إللي بتسويلي العلاج و يابت صنيتها وياها ، في هذي الصنية  صحنين صغار فيهم شي جنه بودر ، ترست المغسلة ماي و حطت واحد من هالصحون ، و قعد ت تذوبه ، أحس  في يحوس يحوس جنه الباث سولت   ، بعدين حسيت شي ثقيل على ريلي ، هاااووو ، شنو هذا ؟؟؟ أنا في بالي كرستي حاطه إيدها على ريلي ، بس إيدها الثنتين جدامي ، شنو هذا ؟ و له هل الماي المتروس بالمغسلة إنقلب كله جلي ، وناسه ، إحساس غريب ، جنه الجلي مال الزرع ، أنا مو ذاك الزود مع الباديكيور ، فما اعرف الزين من الشين ، بس كان شي يونس لازم كل وحده إتجربه لو بس مره وحده .

قالت لي حركي ريلج على طول ، و لمده 15 دقيقه ، عيزت ، الصراحه 5 دقايق وايد علي

تقول إن يطلع السموم و من هذا الكلام ، ما أقدر أقول إن طلع السموم ، بس أقدر أقول إن ريلي صارت وايد ناعمه ، أنا بشرتي جافه جدا جدا  ، فحسيت بالفرق

 أحلى شي لما شفت ذيج إللي تقبل و بيدها قلاص كبير و في شي أحمر ، من  بعيد عبالي عصير أحمر ، لما قربت و له جلي ، الللللللله

عجبتني الحركه ، جلي بجلي ، يامي

طبعا قعدوا يفركون و نعمون وقصصون لما أخر شي أشوف حطوا المسحوق السحري مره ثانية بالمغسله ، بسسس ماكو مكان  المغسله طافحه ، إلا  هذا المسحوق يذوب كل الجلي عشان يمشي بالمغسله ، يااااا سلااام لعب 





للأسف طلعت و نسيت أسألهم بجم 

المهم إللي بروح و بيحجز خل يقول لنا بجم

و مشكورين بيتي بووب على العرض و على الخدمه ، يعطيهم العافيه قعدوا لي آخر الدوام ، أنا المتفرغه كله أحجز متأخر

للحجز

25356064  /  55116666 

الجابرية ، قطعه 1 أ ، شارع 105 بناية 113 بالسرداب 

email: Betty_Boop_salon@hotmail.com

Instagram click here



Comments

Anonymous said…
!! كل شي بالجابرية :/ !! ظاهرة يبيلها دراسة
Anonymous said…
Hi, wings has also instigram under the name wingsgallery
SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

عشانج يا كويت قاعد بالبيت

ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات  بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد لي

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here