Friday Gathering - المنسي

هذوله الصور ملوت الأسبوع إللي فات ، نسيت أسويهم ، عشان جذي صار في بوستين للفرايدي غاذرينغ 

البشت : من معرض ساعد أخاك المسلم

القلب من التراث الهندي

المضاعد من المعرض الهندي

القصه الغريبه ، إن أمس إشتغلت على الصور و رتبتهم بس ما  نشرت البوست ، قلت أسأل خالتي عن أرقام (ساعد أخاك المسلم) حق إللي حاب يطلب منهم البشت

المهم، صار اليوم الثاني ، و نسيت أكلم خالتي ، بس قبل لا أنام و له أشوف مسج من وحده تقول عندنا معرض في شهر مارس و حابين إن تصوير لنا ، إحنا لجنه ساعد أخاك المسلم

  يا محاسن الصدف

قلت لها إي إنشاء الله ، خاتي ساعدت أخاها المسلم ببشت ، انا بساعد بتصوير  

:)

و إتفقنا على الموعد إللي بروح في أختار الأغراض إللي بصورها ، و قبل لا أودعها قلت لها السالفه إن شلون كنت أبي الرقم للتواصل عشان البشت إللي بحطه ، جان ترد علي و إهي فرحانه : أنا صاحبة البشوت

ماااااا أصدق ، من كل الناس المشاركه ، تتصل فيني صاحبة البشوت نفسها إللي أنا أبيها ، سبحان الله

 و هذا هو الرقم  للطلب

00965-25335014

00965-25312071

إضغط هنا لحساب اللجنه على الإنستغرام

و إنشاء الله بوريكم شغلهم بالصور قريبا ، أنا وايد أشوف عندهم أشياء حلوه و الأحلى إن المعرض خيري

من المعرض الهندي

Shirt Dress MSGM available at matches click here and at Luisa via Roma Click Here also available at My Wardrobe click here

تره انا مت ، حاولت أدور إللي إهيا لابسته ما لقيته ، إللي بالسايتات كله الكولكشن الجديد ، أنا أعشق 

MSGM

بكل نقشاته

القلب من إبره قريبا

Fyunka makeup bag available at Fortune Cookie click here

Jacket + pants + Boots by Zara

مو ناقص إلا حجابي من زارا

I introduce to you, the Zara Girl

عمري ما لبست شي ثاني ، ماااا يصييير

خلاص الأسبوع الياي بحاول أغير

أنا ماكو إلا أشتغل عند زارا

يمكن أصف الهدوم ؟ أو أستلم الشحنه ، إي هذي الوظيفه حلوه ، أشوف البضاعه قبل

لا لا لحظه ... أسوق حق زارا ، إي هذي و ظيفتي