modaoperandi.com

Dsaks has a blog now





إللي يسميها دسااكس و إللي يسميها دي ساكس ، الله العالم شلون ينطق إسمها 
 بس المره الأندنوسيا إللي إنشهرت بالكويت بشكل مو طبيعي بالإنستغرام ، صار عندها بلوق ألحين
إضغط هنا لمشاهدة البلوق

طبعا على الإنستغرام بنات الكويت يننوها  بتعليقاتهم إللي مالها داعي ، لما بدت المسكينه تسوي بلوك حق الاكو و الماكو ، كانوا يضحكوني تعليقاتهم في أكاونتات ثانية يشكون ليش سوت لهم بلوك
 ألحين يمكن عندها 110 ألف متابع ، مشهوره في جناطها الارمس إللي عمرنا ما شفنا مثلهم و جواتي اللوبوتان بجميع الألوان و الأشكال
تبون تشوفون اكاونتها على الإنستغرام إضغط هنا


Comments

Anonymous said…
هلشعب ما عندهم حل وسط يا ناس وايد فقارا او اغنياء بشكل مو طبيعي
January 7, 2013 at 7:17 PM
Post a Comment
modaoperandi.com

Popular posts from this blog

The Black Ice Cream

Image
قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …
Read more

دراريع بأقل من ٥٠ دينار

Image
قدرت أيمع مجموعه من الحسابات علي الانستغرام عندها دراريع بسعر ٥٠ دينار و أقل  ، و العاده إذا شي كان أقل من ٥٠ دينار ما يكون خبه  و ما في شغل وايد ، يعني نقدر نسميهم دراريع فطور ، شي خفيف و عملي
 ضغطوا علی الصوره توديكم إلی انستغرام أصحاب الشغل
Read more

Dar Kaftani

Image
Dar Kaftani كل شي كان مرتب و راكب بهذا التصوير جدا إستمتعت في ، لأن إللي تعرض الهدوم كانت بيبي العبد المحسن كنت اتمنى إيي يوم أصورها ، وصار  طبعا أنا اول ماوصلت قعدت مع صاحبة دار كفتاني نتفق على شنو بنصور، و انا أشوف الهدوم إخترت لي دراعه محفظه نفسي أي شي يعجبني ، بشتري أتبضع وقت التصوير المهم يا دور بيبي تلبس ،و كل شي تلبسه أحلى من الثاني إدودهت ، صج لي قالوا ، باللبس الشي يطلع غير نقيت شي ثاني ، ودي أخذ بعد وحده ثانيه بس قلت عندي أكثر من تصوير ، خل أختار من مجموعه مختلفه المهم إللي يحب البسيط و الناعم يروح لهم في 360 موول بمعرض هلا رمضان تاريخ 20 إلى 22 إبريل بوث رقم 45
Dar Kaftani عرض : بيبي العبد المحسن   مكياج : لطيفه الدعيج
Read more