Skip to main content

وينك يا جاسم؟




ألحين جاسم الطالب الفاشل مادري شقاعد يسوي؟

جاسم الطالب الفاشل الذي أصبح كاتبا إهي الجمله إللي طلعت حق كل شخص أخذ إختبار الشخصية و إخترع عباله إهو الفاشل 

اليوم دخل تقريبا 6000 شخص للبلوق و أخذ الإختبار  ، أرقام كلش ما توقعتها ، انا العاده 2500 أو 3000 زائر باليوم 

أتوقع إنتشر بوست الإختبار بسرعه لأن كلمن يحب يعرف عن نفسه ، غير هذا الكل اكد وصفه الدقيق للشخصية

يبيله أعطي مديرنا أعرف شنو شخصيته

جاسم الهارون من السعودية صاحب مدونه (جاسم) الله يعافي إهو إللي حاط هذا الإختبار بمدونته ، انا مستغربه أصلا شلون ، لأن جنه هذا بفلوس و مو شي متوفر بسهوله إضغط هنا لمزيد من المعلومات 

 تعتقدون النتايج هذي المسجله عنده جاسم بحللها؟ هل نسب العالم العربي راح تكون مختلفه عن امريكا ؟

مشكورين لكل من أخذ الإختبار و رد البلوق يسجل نتيجته ، حاليا مبين عندنا 297 شخص رجع و سجل لنا نتيجته و الغريبه إن 51 من هالـ 297 شخصيتهم العقل المدبر و هو ما نسبته 17% ، وايد ، أكثر من ما هو موضح بالجدول ، الجدول يقول بس 2-4%  من كل الناس إللي خذوا الإختبار تطلع شخصيتهم العقل المدبر ، أشوف القراء كلهم مدبرين 

أقل شي و إللي شبه معدوم المروج ، شخصين بس من أصل 297 مروجين ، مروجين مخدرات ، آآآآآهاهاهاها نكتيتي حلوه مو صح ؟
آسفين ، نكمل
المروج يحب الحركة، ويمتاز بمهارات اجتماعية عالية. و لا يحب الرسميات و لا التقيد بالقوانين والأنظمة
شخص نادر بالوطن العربي شكله

النتيجه إللي تيي عقب العقل المدبر و قريبه من نتيجته ، المدافع و المستشار
 المستشار يحب يساعد الناس و المدافع  تقريبا نفس الشي طيب و يعتمد عليه


حق إللي ما خذه الإختبار و يبي يعرف إهو منو إضغط هنا




For more info on Myers - Briggs Type Indicator click here


Comments

Memoq8 Blog said…
رئيس الأركان – ENTJ

هذى شخصيتي :>
Anonymous said…
Ana المخترع
SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

The Black Ice Cream

  قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠ الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد يالله نروح يوم ثاني  و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني

My Favorite Swimwear

  و أخيرا لقيت البراند اللي عرف شلون يصمم المايوه المحتشم للمحجبات   لما ألبسه أحس إني لابسه شي مرتب وعلى الموده و مهتمين بأدق التفاصيل للسباحه Trepezzi براند تركي توه جديد، تأسس في سنه 2018 ، مختص بملابس السباحه المحتشمه و الملابس اللي تحمي من أشعه الشمس لما أقول مهتمين بالتفاصيل ، يعني مثلا البلوزه ما ترتفع و أنا أسبح ، مسوين فيها سير يتثبت بالبنطلون من الأجناب بزراير   و تضبطين طبعا الطول اللي يناسبج و تقصين الباجي الشي الثاني الجم ضيج عشان لما أسبح ما يرتفع بعد بالماي و التوب مو مخبخب و تنتفخين لما تطبين ، شي لابج  التوب في سحاب من جدام فجدا سهل أفصخه لما أخلص من السباحه ، مو أتعافر مع التوب نفس باجي اللبس المعتاد توه اليوم منزلين مجموعه يديده ، كلش ما توقعت بنزلون شي خصوصا إن  الصيف بخلص  ما قدرت أقاوم ، طلبت هذا التوب الوردي المشير عجيييب يخفي العيوب  Link طبعا أنا ماخذه كل الموديلات من كثر ما أنا معجبه فيهم وأبي أشوف شنو مسوين لنا مثلا العام الماضي التوبات كانوا قصار ، السنه طولوهم شوي و السنه عندهم موديل ال surfersuite  ألبس المايوه و فوقه بنطلون لازقه في التنوره   هذا ما لبسته