Skip to main content

بدلة سهره





 مره ياني إيميل من وحده تبيني أساعدها تشتري نفنوف حفله ، انا سيده دزيت لها رقمي عشان تكلمني و ما انطرها ، يوم دقت ، الرقم مو بالكويت !!!! إلا البنيه سعودية ، مع السوالف ، تقول أهم دايما يتسوقون حق نفانيف حفله من الكويت و البحرين ، و إنصدمت لما كانت مستعده تيي من ثاني يوم عشان تتسوق ، وي يليت أقدر أروح وياها ، أنا دوام ما أقدر أطلع الصبح و إذا إجازه ماكو إلا السبت  مناسب ، لأن الجمعه أغلب المحلات إللي تحتاج تروح لهم صاكين 

و المهم ، قلت ليش ما أكتب لها هذا البوست يساعدها و يساعد غيرها للبحث عن بدله بالكويت . أتوقع إللي بقوله ألحين هو نظام كل بنت  كويتيه لما إدور نفنوف

أولا: نبدأ بمحل العثمان
المكان : السالمية - مجمع مريم
الأسعار : $$$ حول الـ 800 دينار و ما فوق
الموقع الإلكتروني : إضغطي هنا 

نفس المجمع عندهم العثمان الأوتلت ، بالطابق الثاني ، بس ماني متأكده  ليما الحين موجود و له لأ ، لأن توا من جم يوم نشوف صور 
 لأغراضهم حاطينهم في الشويخ يم مجمع التلال  ، فمادري شالوا كل شي أو صار عندهم مكانين
تلفونهم للتأكد 
00965 24913721
طبعا الاوتلت في أشياء قديمه و بالخصم
السايت : إضغطي هنا
تره السايت تقدرين تشترين منه




مثلا هذي بدلة نعيم خان سعرها ألحين 439 دينار كويتي و كانت بـ 2198  ، للشراء إضغطي هنا

ثانيا: الأسطوره
المكان : السالمية - مجمع زهرة
الأسعار : $$$  إبتداءا من 700 تقريبا و بعض المرات إبتداءا من 1000 إنتي و حظك يومها
بنفس المجمع ، تحت أكو جم محل يمكن الواحد يلقى في شي زين
إسم المحل : أس ستايل و فايولت
الأسعار : $$ إبتداءا من 400 دينار كويتي

الأسطوره الثاني
المكان: السالمية - مجمع الثريا
الأسعار: $$$ مختلفه
كل الماركات التابعه لشركة الأسطوره هناك
ألكساندر مكوين
إترو
بووتشي
بالنسياغا
دريس فان نوتن
موسكينو
أنتونيو مرراس
كفالي
كلوي
لانفا
و غير البوتيكات ، فوق كلش ، آآآآآآخر طابق متروس ماركات و كلهم مع بعض ، من طقت ماري كترانتسو ، جل ساندر ، مارتن مارجله ، جوتيي و الربع


ثالثا : الصالحية 
المكان : مجمع الصالحية
الأسعار : الحظ ، يا وايد رخيص او وايد غالي
من الأسعار الخيال إللي قاعدين نشوفها ، صارت الماركات أرخص
كم مره ألقى بدله فندي سعرها معقول ، أو فرساتشي ، فالوحده لازم تدور ، ما تدرين شنو تلقين


Vika dress available at Boutique N source

رابعا : برج جاسم
المكان : مدينه الكويت
الأسعار : $$ معقولة إبتداءا من 300 دينار
المكان جدا هادئ و صغير فيه بوتيكات صغيره عندهم ماركات جدا مختلفه
إلي من الهند و إللي من لندن و إللي من الخليج
شي غير
أسماء المحلات
 Dar Usha دار يوشا  
 Boutique n بوتييك أن
 Edge Boutique أج بوتيك  




خامسا: أماكن جديدة
 المحلات إللي و له مره رحت لها بس أدري عندهم أشياء حلوه و بأسعار مناسبه
المكان: برج التجاريه - مدينه الكويت

هم في التجارية


الشويخ - يم مجمع التلال
يبيله تلفون عشان تدلون
+96569660002

أشيائهم وااايد غريبه  ، أغلب الناس ما تعجبهم ، بس إللي يعرف لهم يطلع ينن ، أغلب لبسهم أسود و إذا صار في لون يا أحمر أو فسفوري
المهم ، دامكم واصلين الشويخ مروهم ، مكانهم يم مجمع التلال



هذي كل الإختيارات بالكويت ، بالنسبه لي صار الإنترنت وايد أسهل ، إذا كلش كلش ما لقيت شي طلبت اون لاين
السايتات إللي أحبها طبعا
و آخر مره طلبت بدله سهره من


و سلامتكم  ، إذا في محلات نسيت أذكرها كتبوها بالكومنت  ، و شكرا

Comments

Anonymous said…
mesta'3reba enich ma ktabtay 3an 360 and burj al hamra
Me Blogging said…
Ee walla , nesait-hom , bes el 7amra re7tla mara wa7da ma adre shino fe , walla tesawagt, 360 ham walla mara re7t adawer fe badlah fa ma 6ara 3ala bali, ma3a ena 3endehom ma7al ta7at bes ma shawagni adkhala
Eiman said…
غريبة كل الماركات اللي قلتي عليها موجودة بالسعوديةبس فيه ناس يحسون اذا اشتروا من بوتيك دولة ثانية محد بيلبس زيه. او يمكن البنت ساكنة بمدينة صغيرة. لأن عالاقل الرياض وجدة فيها كل شي حتى بسام فتوح فاتح مشغل صار له اكثر من ١٢ سنة ..اقصد حتى الشعر والمكياج وصل مو بس اللبس.. اذا سألك أحد انصحيهم يمرون قبل(سنتريا - المملكة - الفيصلية - التخصصي والتحلية) بالرياض.. اما جدة فعدي واغلطي عندك (مركز الخياط - الرد سي مول - الجمجوم....واشياء كثيرة مليانة ماركات مو موجودة بالرياض وكلها هاي اند وبالافات بالاضافة الى دور تصميم الهوت كوتور اللي لها الحين فوق العشرين سنة شغالة .. طبعا الكويت ودبي مافيه مثلهم للتسوق بس من رأيي التسوق فيها لازم يكون من الديزاينات والبوتيكات المحلية لأن العالمية ماتختلف من بلد لبلد.. مشكورة عالبوست حبيته بس استغربت من البنت تحمست اخذها جولة تسوق بالسعودية...ادور عذر بس للتسوق
Me Blogging said…
Eman: ee sa7 ,ana ele a3arfa elso3oodeya feeha wayed ashya, o mashalah boutikat wayed a7la min likwait
Anonymous said…
العثمان عندهم محلين أوت لت القديم في مريم والجديد في الشويخ وإلي في الشويخ الخصم فيه أكثر
Anonymous said…
bel3aks 360 fe prada, ysl, gucci, bottega, burberry,marni, givenchi, mui mui!! w waayed ghairhum!! and el 7amra fe gucci and ysl and bottega w manoosh w fe cham ma7al ham mu wayed ma3roofeen bas telgain fehum ashya2 ;)
Anonymous said…
and not to mention alhamra 3ndihum Hermes!!! ;))
SSENSE GLOBAL

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

عشانج يا كويت قاعد بالبيت

ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات  بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد لي

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here