Skip to main content

تركيا بالعيد



أول مره أسافر بدون كامرتي ، فكل صوري  بالأيفون

و لا قبل لا أسافر مسويه روحي كلش ، عشان ما انساها اول شي حطيته بالجنطه الكبيره شاحن الكاميرا ، إنزين و الكاميرا وينها ؟؟

 المهم ، ما تحسفت إني ما يبتها ، تونا رايحين تركيا من جم شهر و صورت كل إللي أبي ، هذي الرحلة راحه و إستجمام ، كل يوم ما مهنتنا إلا وين نتغدى و وين نتعشى ؟


مادري شلون تركيا عيدوا قبلنا ، يعني إحنا صايمين و أهما محتفلين ، فأول  يوم متنا من التعب بس نمشي بالسوق و نتشهى الأكل

  لما خلص باترينا رحنا مطعم لامونادا في سيتي مول في شارع نشن تشي  نتفطر عندهم، وصلنا قبل الأذان بنص ساعه ، فقلنا حق الجرسون لا تييب الأكل إلا لما يأذن بخمس دقايق ، وييييي كل المطعم دره إنا صايمين ،  إللي يدور وقت الأذان و إللي  طلع بره بالبلكونه ينطر يأذن و إللي واقف عند الأكل ينطر يعطونه إشارة متى يحط الأكل ، يحليلهم خبيناهم




من الاماكن اليديده إللي رحنا لها  مكان إسمه السوق المصري أو سوق البهارات ، جنه المباركية في الكويت

ماكو شي عجيب ، بس يعني تغيير


مكتوب كنه ، فأتوقع هذي حنه


 أختي العزيزة توها تقولي إنها إستخدمت الإسفنجة إللي شرتها من هناك  و إنها تينن ووصفها كان غريب للسفنجة تقول جنه فيها جام مكسر صغير 





رحنه بعد منطقة إسمها أورتاكوي

مشهوره بالبطاط المشوي فأنا أسميها منطقة البطاط

شي غريب الناس كلها بس ياياه تاكل بطاط




و هذا فيديو عشان تشوفون المنطقة شلون زحمة


طبعا لازم البحث عن مخاد


هالقطاوه العجيبين ، محد يقولوهم شي، مستانسين يتسدحون وين ما يبون 

تره هذي قاعده داخل المحل بالفترينا






و ليش إن عيد فالبازار كان صاك  ، من الخميس لي الأثنين فرحنا مكان ثاني بداله يم المسجد الأزرق إسمه أراستا بازار ، لا بأس في








يضحك مع إيده


Going tribal





قعدنا في فندق غراند حياة و أحلى شي إن بالطابق الثامن إللي بصدفه إحنا في ، عندهم صاله كبيره يقدمون فيها شاي و قهوه ببلاش على مدار اليوم من الساعه  8:00 الصبح لي الساعه 11:00 ، و الصبح بعد يقدمون ريوق خفيف وعلى الساعه 8:00 بالليل في وجبه خفيفه

for reservation click here





Comments

Popular posts from this blog

باي نومه لبستني

بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه
باي نومه لبستي من مجموعة البشوت الصيفيه إللي إهيا مشهوره فيها
في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11
للطلب عن طريق الواتس أب 
00965-55335421
Instagram :  ByNouma



(Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. 
This post is brought to you ByNouma
As you can see, she dressed me up from her famous summer bisht collection 
In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel - Dubai Mall  (Dates: 9/10/11)
For orders contact her thorugh WhatsApp
00965-55335421
Instagram :  

Blue Shampoo

أذكر من قالوا في احتمال بصير حظر كلي ، قلت خل ألحق و أطلب من صالون  ASAP - The Blue Shampoo هذا الشامبو مثل الرنساج ، يشيل اللون البرتقالي بالشعرالمصبوغ أشقر من زمان أسمع عنه و في بنات يستخدمونه بالبيت بس وله مره فكرت أشتري لأن أنا كل شهر أروح الصالون أصبغ الشيب و على الطريج يسوون لي رنساج ، بس مع الأوضاع الحاليه ، خلاااااص ماكو صالون ، كل شي بالبيت دخلت سايتهم و طلبت الشامبو مع البلسم بالسايت حاطين شرح لطريقه الاستخدام ، بس لما وصل الشامبو شوي اخترعت يوم قريت القرشه ، ان ديري بالج ، هذا للاستخدام بالصالونات و ان لبسي دسوس لما تسوين شعرج ، هذا مو مذكور بالسايت قلت وي مالي خلق ادور دسوس بغسل في و اشوف النتيجه وااااااي انصدمت من اللون ، ايدي صبغت ، لا صج احتاج دسوس ، أظافيري كلها صارت بنفسجيه  كاتبين بالسايت ان اقدر استخدمه مره إلى ثلاث مرات بالاسبوع ، بس جنه لا ، الشامبو ينشف الشعر بشكل مو طبيعي ، ضروري وراه ماسك ، أنا بس حطيت البلسم مالهم    أول مره قعدت في خمس دقايق ، النتيجه حلوه ، صج راح الصفار ، في بعض الخصل ردت على اللون الرمادي المطلوب  و بعضها يبيلها وقت أكثر ، المره الثانيه ، بعد أسبو…

The Black Ice Cream

قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …