Skip to main content

Social Media Day with Zain



قبل يومن كنت معزومه لحضور الـ
social media day
بتنظيم شركة زين للإتصالات ، و هو مثل إحتفال بالتكنولوجيا و التواصل الإجتماعي ، تقريبا بلوقات الكويت كلها كانت موجوده أو أي أحد له علاقة بتوتر و يوتيوب أو فيسبووك

طاع الحظ عاد ، بنفس يوم الإفنت ينقطع اهم برنامج للتواصل الإجتماعي - الإنستغرام



أنا طبعا إنصدمت لما دخلت ، ما توقت مختبين جذي ، وايد كان مرتب المكان و شي سنع ، حاطين لنا القنفات البيض جنهم ملوت العروس مع الطولات إللي يشبون ليتات و الإضاءه البنفسجية و الخضره ، يحليلهم



ألحين و انا أطالع الصور ، قعدت أفكر أنا ويا ويهي ليش ما طليت من الدريشه ؟؟؟ كلش و لا فكرت!!! كنا في برج الحمرا و في الطابق الـ 55 أكيد المنظر عجيب من فوق

حدي متحسفه


شوفوا منو موجود
بيبي هس أند هرز كان هناك ، بيبي مشاري



تقول أنا لابسه ألوان زين حق الإفنت






عبدالله بوفتين


دانة مدوه




بك يو
الإسم بالعربي شكله غريب
yah thats more like it :)

انا ما أكل الفروزن يوغرت بس عرفت منهم إن منزلين نوع يديد خالي من الدسم و السكر

هذا رقمهم للطلبات
عندهم فرع بالديره و ثاني في كيفان
2291 3333
for more info. click here


عجبتني صنيتهم تشب ليت

عجيبه بالتقديم إذا المكان ظلمه

عاد الرايس بودنغ هم شي ما آكله فا ما اقدر أقيم ، جربوا و قولولي

55479001
يقولون مكانهم بالنزهة
click here for more info.


بعد ما تيمعنا كلنا تم إفتتاح الحفل عمر العثمان


كان في سحب و أحد الفائزات نوال درويش



يعقوب عبدالله


كان كل واحد يتكلم عن تجربته المشاكل إللي واجهها و شلون حلها

كان الكلام عن الموضوع سريع ، كنت اتمنى إن صج يتم طرح المشكله كأنها
study case
عشان كلنا نستفيد من خبرة الشخصو نتعلم من تجربته أكثر ، بس هم اقول هذي أول مره


، إللي وايد عجبني إن زين كانوا عازمين فيفا ، شركة الإتصالات المنافسه
فهد الفهد مسؤوول العلاقات العامه كان موجود من فيفا



خالد أمين


محمد المهيني من زين

والله ضحكتنا يا محمد ، عندك قدره تكون كوميدين


و أخيرا كان عرض كوميدي لفريق (شنو يعني) دموووع من الضحك


مشكورين زين على هذا الحفل والله كان وااااجد زين


Comments

Anonymous said…
رووعه !!! حبيت الحدث و التنظيم وايد .. يا ريت لو يسوولنا في الامارات شي مشابه ..

تحياتي
Mytheresa.com GmbH

Popular posts from this blog

باي نومه لبستني

 بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه باي نومه لبستي من مجموعة البشوت الصيفيه إللي إهيا مشهوره فيها في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11 للطلب عن طريق الواتس أب  00965-55335421 Instagram :   ByNouma (Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist.  This post is brought to you  ByNouma   As you can see, she dressed me up from her famous summer bisht collection  In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel -

عشانج يا كويت قاعد بالبيت

ما شاء الله مرت ٣ أشهر أو أكثر من بدت الكرونا آخر ذكرى لي بالحياه الطبيعيه أيام العيد الوطني ، و المجموعه إللي سويتها للعيد و السايت الخاص فيني اللي فتحته بهذه الفتره لعرض المجموعه ، من كثر ما كنت مشغوله ، ما مداني حتى أكتب عنه في البلوق ، لأن بس خلصنا من العيد الوطني بديت تصوير دراريع رمضان للبنات ، و مشتطه ويه كل وحده أصور لها و أتخيل لها نجاح باهر بمجموعتها و تحوشنا الكرونا وللأسف كل اللي صورته ما اقدر اشاركه الناس اكتأبت أدري ان ازمه و بتعدي بس الواحد ما يدري شنو بصير بالأيام اليايه  تأثرت وايد يوم شفت صور ايطاليا و شلون مستشفياتهم ما قامت تكفي المرضى و شلون الفايرس قام يمشي من ديره لي ديره  عفس الدنيا كلها كلنا في حاله محد له خلق شي ، محد عارف شنو بصير المدارس عطلت المعارض تكنسلت المجمعات صكت الدنيا كلها وقفت صار هدووووووووء راحت أيام السرعه و جدول الالتزامات  بدينا هني الدراسه بالبيت مسكين فهودي تونا مدخلينه الحضانه , داوم اسبوع و الباجي غايب مريض ، ما شاف شي و لما بدوا التعليم عن بعد ، أهو بو سنتين يدزون له واجبات أكثر من راكان بو خمس سنوات يقولون علموا دعاء دخول الحمام الولد لي

Friday Gathering - Prince William's Wedding

B says: those rings were inspired by cousin Z in one of the previous friday gatherings Click Here