Skip to main content

The Gift



سألتني وحده من جم يوم  شنو تشتري هدية حق رفيجتها إللي بتزوج عن قريب
عطيتها جم فكره ، بعدين قلت ليش ما أسأل الناس بتويتر
ردوا علي و طلع أغلبهم يعطون فلوس ، يقولون عشان البنيه تشتري إللي محتاجته ، لانها من أساس مجهزة فيخافون يشترون شي شاريته
أحلى هدية بنسبه لي من الإقراحات في تويتر كانت  مكينه القهوة نسبرسو
صج تنفع حق وحده توها متزوجة  - سعرها تقريبا 100 دينار كويتي
محل نسبرسو موجود في 360 مول






و هذي بعض الإقتراحات الثانية

مطاطير و إستكانات



من هدية ستيشن إضغط هنا



إستكانات من محل ونغز بالشويخ يم التلال
إضغط هنا لقراءة بوست كونفاشن بالكامل





مكياج من ماك ، عندهم  بطاقات الهدايا و هي تشتري إللي تبي من المكياج





 
أغراض من زارا هووم





 
Spa Voucher
ما أعرف إلا سبا تايم
Spa Time - Avenues phone number is: 22598010





Hermes كنبل
بس المحل مو موجود بالكويت ، إللي مسافر خل يدور




 

Canon G12 10MP Digital Camera with 5x Optical Image Stabilized Zoom and 2.8 inch Vari-Angle LCD
و إقتراحي أنا كان كاميرا كانون : لكل اللحظات الحلوه في حياتك الجديده
Canon G12 click here


Comments

DoDoq8 said…
حبيت اول اقتراح اذا كانت من محبين القهوه

وهمن اخر اقتراح حلوو
Anonymous said…
Bread machine she can make home made bread fresh with no efforts. Or some special cook books with measuring scales and cups. Or viloroy & boch in 360 has a lot of nice crystals
نزهاويه said…
Etha entw majmo3a eshtrow shay wa7d zain o '3ali
mathan : sa3a aw debla
aw jan6a aw joty "marka" :p
Anonymous said…
my gift for my friend was the nespresso machine, it's a perfect gift for newly married people. she really likes it.
sugar said…
set of bowls from tiffany, frames, digital frame, small things for the house or she can do a registry of things she needs o everyone gets what they can depending on there budget
Danderma said…
وايد صعب تشترين هدية مناسبة حق عروس... اولا ما تدرين الوحدة شنو تحب شنو ما تحب, ثانيا العروس وايد اتييها هدايا و اساسا مجهزة فأكو حل من أثنين

يا تسألين شنو تبي، مثلا ابوي و احنا نجهز قال لنا شنو ناقصكم ما شريتوا قلنا ثلاجة و واحد من ربع ريلي سأل و ياب لنا غسالة أذكر دق علينا من الغانم و قال الحين تقولون يا غسالة يا دش ووشر

أو اذا تحبين مفاجاة او فشلة تسألين ممكن ليرات ذهب بدال الفلوس، او فلوس انا وايد حصلت فلوس -صرفتهم في شهر العسل-

أعرف وحدة ما تهدي العرايس إلا لانجري، بس احس قلة أدب املي على بنت الناس شتلبس. يمكن مو على ذوقها و هم فشلة

انا عن نفسي احب هدية علبة عدة بخور و دهن عود... مهما كان عندها منهم ما يضر الزيادة

أو إذا كنا جماعة نتحاطط و نشتري خاتم أو قطعة مجوهرات كشخة. أذا كانت تحب المجوهرات طبعا

مكينة القهوة كفكرة بالنسبة لي أتينن وايد عجبتني, بس يعتمد على البنت تحب القهوة أو عندها مكينة أو لا

فرن الأكل السخان اللي موجود منه في كل بيت مفيد ترا بس مو ونيس

او مكينة كينوود شيف او كينوود ماجور ممتازة حق اللي تحب تتعبث بالمطبخ
Alya said…
I used to get my friends jewelry, but I realized that it's really expensive and she might NOT like it! It's better to get her something useful for her home.

So now, I get things like a set of crystal drinking glasses (they are elegant and timeless). Or a silver tray to put things when she wants to present food/drink to her guests.
Me Blogging said…
Thank you all for your suggestions
Anonymous said…
هااي

ماتتخيلين اشكثر حبيت (ur blog) واايد ايونس ويشرح الصدر...واستفدت من وااايد اشياء انتي كاتبتها...احسج بالضبط نفسي وناااااسه...اممم بالنسبه حق الهدااايا حبيت الكاميرا ...فعلا عشان اتصور كل لحظة
حلوة بحياتها...وااايد حلوة مافكرت فيها من قبل...ثانكيو

Popular posts from this blog

باي نومه لبستني

بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه
باي نومه لبستي من مجموعة البشوت الصيفيه إللي إهيا مشهوره فيها
في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11
للطلب عن طريق الواتس أب 
00965-55335421
Instagram :  ByNouma



(Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. 
This post is brought to you ByNouma
As you can see, she dressed me up from her famous summer bisht collection 
In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel - Dubai Mall  (Dates: 9/10/11)
For orders contact her thorugh WhatsApp
00965-55335421
Instagram :  

Blue Shampoo

أذكر من قالوا في احتمال بصير حظر كلي ، قلت خل ألحق و أطلب من صالون  ASAP - The Blue Shampoo هذا الشامبو مثل الرنساج ، يشيل اللون البرتقالي بالشعرالمصبوغ أشقر من زمان أسمع عنه و في بنات يستخدمونه بالبيت بس وله مره فكرت أشتري لأن أنا كل شهر أروح الصالون أصبغ الشيب و على الطريج يسوون لي رنساج ، بس مع الأوضاع الحاليه ، خلاااااص ماكو صالون ، كل شي بالبيت دخلت سايتهم و طلبت الشامبو مع البلسم بالسايت حاطين شرح لطريقه الاستخدام ، بس لما وصل الشامبو شوي اخترعت يوم قريت القرشه ، ان ديري بالج ، هذا للاستخدام بالصالونات و ان لبسي دسوس لما تسوين شعرج ، هذا مو مذكور بالسايت قلت وي مالي خلق ادور دسوس بغسل في و اشوف النتيجه وااااااي انصدمت من اللون ، ايدي صبغت ، لا صج احتاج دسوس ، أظافيري كلها صارت بنفسجيه  كاتبين بالسايت ان اقدر استخدمه مره إلى ثلاث مرات بالاسبوع ، بس جنه لا ، الشامبو ينشف الشعر بشكل مو طبيعي ، ضروري وراه ماسك ، أنا بس حطيت البلسم مالهم    أول مره قعدت في خمس دقايق ، النتيجه حلوه ، صج راح الصفار ، في بعض الخصل ردت على اللون الرمادي المطلوب  و بعضها يبيلها وقت أكثر ، المره الثانيه ، بعد أسبو…

The Black Ice Cream

قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …