زهبت كاميرة الفيديو و بصور أختي تسوي المخاريط على قولتها (جمع مخروط) واااي و إحنا نصور تهاوشنا ، راحت عني و توهقت
أنا وله مره سويتهم ، قلت يالله أجرب بعد شسوي
حطيت الكاميرا على الستاند و بديت تصوير و الله و سويت شي ، بس يوم ييت أشوف الفيديو إلا هدومي مادري شلون صايرين ما أقدر أعرضه ، لازم أقص الصوره من فوق ، فما أدري بتفهمون من الصور وله لأ
أول شي نييب ورقه وسيله و نلفها بشكل المخروط
لازم تكون طويله مثل الصوره فوق؟ لا بس قصصنا كل إللي عندنا ظل هذا الشكل
المهم يكون عندي مخروط
و تثبتينه باللزاق من داخل و بره أو دباسه ماكو مانع
بعدين تييبين ورق لف هدايا أي لون تحبين ، تقصينه بحيث يكون عرض الورقه تقريبا 10 سانتي
أنا قصيته بالنص لأن ما أبي وايد طويل
بعدين ألفه جنه ورق عنب ، أخاف بس أنا لفيت ورق عنب بحياتي
يصير عندي هذا الشكل
أدخل المقص بالفتحه و أقص لين النص ، مو كله ، بس ليين النص
و يطلع عندي شراشيب حلوين
ألف هذا على المخروط بعد ما ثبت الطرف الأول باللزاق على المخروط
و اعيد مره ثانية الخطوات مالت ورق الهدايا لمه اترس المخروط من هالتشاشيات
لما يطلع عندنا الشكل النهائي
يمكن هذا أكثر بوست كتبت في كلمات غريبه
يالله ألحين الشاطر يترجم بوستي بو المخاريط
:)
Comments
7abaaaait el post, kathrai minhum, o li9war wa'67ah mala da3i video
تصدقين توني يايه اتحلطم انج ما حطيتية لوول
مشكووووووووور بطبق حق يمعه عيدالام وادز لج صور التطبيق والله بستر عسى اضبطة