Skip to main content

المخاريط


زهبت كاميرة الفيديو و بصور أختي تسوي المخاريط على قولتها (جمع مخروط) واااي و إحنا نصور تهاوشنا ، راحت عني و توهقت
أنا وله مره سويتهم ، قلت يالله أجرب بعد شسوي 

حطيت الكاميرا على الستاند و بديت تصوير و الله و سويت شي ، بس يوم ييت أشوف الفيديو إلا هدومي مادري شلون صايرين ما أقدر أعرضه ، لازم أقص الصوره من فوق ، فما أدري بتفهمون من الصور وله لأ

أول شي نييب ورقه وسيله و نلفها بشكل المخروط
لازم تكون طويله مثل الصوره فوق؟ لا بس قصصنا كل إللي عندنا ظل هذا الشكل



المهم يكون عندي مخروط
و تثبتينه باللزاق من داخل و بره أو دباسه ماكو مانع


بعدين تييبين ورق لف هدايا أي لون تحبين ، تقصينه بحيث يكون عرض الورقه تقريبا 10 سانتي

أنا قصيته بالنص لأن ما أبي وايد طويل


بعدين ألفه جنه ورق عنب ، أخاف بس أنا لفيت ورق عنب بحياتي



يصير عندي هذا الشكل



أدخل المقص بالفتحه و أقص لين النص ، مو كله ، بس ليين النص



و يطلع عندي شراشيب حلوين



ألف هذا على المخروط بعد ما ثبت الطرف الأول باللزاق على المخروط



و اعيد مره ثانية الخطوات مالت ورق الهدايا لمه اترس المخروط من هالتشاشيات



لما يطلع عندنا الشكل النهائي


يمكن هذا  أكثر بوست كتبت في كلمات غريبه
يالله ألحين الشاطر يترجم بوستي بو المخاريط
:)


Comments

Delaila said…
Mashallah 7ada sahil!! .. teslam eedich (Y).. am thinkin 2 colors, will it work?
Anonymous said…
El warde 9ayir a7lah min laswad, artab ..
7abaaaait el post, kathrai minhum, o li9war wa'67ah mala da3i video
Anonymous said…
صباح الخير
تصدقين توني يايه اتحلطم انج ما حطيتية لوول
مشكووووووووور بطبق حق يمعه عيدالام وادز لج صور التطبيق والله بستر عسى اضبطة
Anonymous said…
wow 3ajeeb bs men wean a7a9el el pink wel black paper abee dirct place :p #3ayazz
Moda Modello said…
mashala sahel :) , thank u

Popular posts from this blog

باي نومه لبستني

بوست لبسوني ، هو بوست أحاول في إني ألبس شي غير عن ستايلي ، هذا الشي طبعا ما أقدر أسوي بروحي ، لأن لو بختار برد لنفس الموديل ، عشان جذي لازم أحد ثاني يختار لي و يلبسني ،المشاركه لهذا البوست هي باي نومه
باي نومه لبستي من مجموعة البشوت الصيفيه إللي إهيا مشهوره فيها
في يناير نومه راح تشارك في معرض (كويتي ترند) في دبي في فندق ذي أدرس دبي مول تاريخ 9 و 10 و 11
للطلب عن طريق الواتس أب 
00965-55335421
Instagram :  ByNouma



(Dress Me Up) post, is a way to try different styles, of course I can't chose for myself because I will end up choosing things similar to the ones I already have. Therefore someone else will be doing that for me, they will be like my stylist. 
This post is brought to you ByNouma
As you can see, she dressed me up from her famous summer bisht collection 
In January ByNouma will be participating in an exhibition called (Kuwaiti Trend 2014) in Dubai that will be held at The Address Hotel - Dubai Mall  (Dates: 9/10/11)
For orders contact her thorugh WhatsApp
00965-55335421
Instagram :  

Blue Shampoo

أذكر من قالوا في احتمال بصير حظر كلي ، قلت خل ألحق و أطلب من صالون  ASAP - The Blue Shampoo هذا الشامبو مثل الرنساج ، يشيل اللون البرتقالي بالشعرالمصبوغ أشقر من زمان أسمع عنه و في بنات يستخدمونه بالبيت بس وله مره فكرت أشتري لأن أنا كل شهر أروح الصالون أصبغ الشيب و على الطريج يسوون لي رنساج ، بس مع الأوضاع الحاليه ، خلاااااص ماكو صالون ، كل شي بالبيت دخلت سايتهم و طلبت الشامبو مع البلسم بالسايت حاطين شرح لطريقه الاستخدام ، بس لما وصل الشامبو شوي اخترعت يوم قريت القرشه ، ان ديري بالج ، هذا للاستخدام بالصالونات و ان لبسي دسوس لما تسوين شعرج ، هذا مو مذكور بالسايت قلت وي مالي خلق ادور دسوس بغسل في و اشوف النتيجه وااااااي انصدمت من اللون ، ايدي صبغت ، لا صج احتاج دسوس ، أظافيري كلها صارت بنفسجيه  كاتبين بالسايت ان اقدر استخدمه مره إلى ثلاث مرات بالاسبوع ، بس جنه لا ، الشامبو ينشف الشعر بشكل مو طبيعي ، ضروري وراه ماسك ، أنا بس حطيت البلسم مالهم    أول مره قعدت في خمس دقايق ، النتيجه حلوه ، صج راح الصفار ، في بعض الخصل ردت على اللون الرمادي المطلوب  و بعضها يبيلها وقت أكثر ، المره الثانيه ، بعد أسبو…

The Black Ice Cream

قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …