قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا ويوم استانسنا و لقينا موقف و وصلنا المحل الا صاك .... لااااااااااا شلون ما انتبهت إن المحل يصك يوم الأحد
يالله نروح يوم ثاني
و اليوم أخيرا قررنا نروح ، و طول الطريج و أنا أقول عسى بس يسوه هذي العنوه
اسم المحل
Vermilion
أول ما دخلت سيده قلت حق الريال أنا يايه حق هذا و أأشر على البرد الاسود ، قلت له أبي أجربه ، عطاني القفشه الصغيره و لما ذقته توقعت شي مافي …
.jpg)
Comments
Yuma glbch 3la glby twni ga3da afker ..
Eny knt na6ra ench t'3yreen shy b.shkl lblog
M3a el NY !!
7dhaa tyaniiin , i love the LOGO
=D.
=D
great logo!!
KEEP GOING FOR THE BEST
REGARDS,
but why your leg is too long ;x
happy new year
Nice logo @@
&
Happy new year to you darling
long legs- i love!
and to Dodoq8, my legs are long because ana makhloga chethe :p