Monday, November 29, 2010

This is a Cake








Suzani Love وصلوني هذوله الصور بالإيميل من صاحبة مشروع 
الكيكة كانت هدية من صديقاتها في يوم عيد ميلادها ، مستوحاه من مجموعة سوزاني الخاصة للأثاث
و تعلق صاحبة الكيكة و تقول :  مو بس إنتوا كيكتكم كشخة 
هاهاهاهاها ، حلوة يا سوزاني و بالعافية ، الكيكة خياااال
WOW الكيكة من محل



I received these pictures from the owner of Suzani Love, a cake from her friends celebrating her birthday , inspired by her Suzani furniture collection. the cake was made by WOW catering



شوفوا بوستاتي القديمة عن سوزاني إضغط هنا

check out my older posts of Suzani Love Click here


Sunday, November 28, 2010

Day 6: Our Hajj Trip


وصلنا منى الساعة 5:00 العصر


قعدنا لين الليل ، قرينا قرآن و سمعنا محاضرات دينية و بعدين رحنا المرجم الساعة 11:00



هذي المره شوي أزحم من امس
بس الحمد الله كل شي كان سهل

Saturday, November 27, 2010

Continue Day 5: Our Hajj Trip


بعد الـ 10 ساعات إللى قعدناها بالباص و ردينا الفندق الساعة 7:00 الصبح و نمت
بنفس اليوم على الساعة 4:00 العصر إستعدينا للذهاب إلى منى لرمي الجمرات 





وصلنا الساعة 6:00 ، و هذي الخيمة من داخل


بنقعد لين الساعة 10:30 بالليل عشان نحقق المبيت في منى


بعدها بنروح المرجم مشي




أول يوم المكان عجيب ، خااااااالي


أسهل منسك بالدنيا ، ثواني إلا إحنا مخلصين


بس خلصنا ردينا الباص و إلى الفندق مباشرة
و بس ، نمنا لليوم الثاني ، بنسوي نفس الشي إلى منى العصر و نرجم بالليل


و الآن الفيديو




The Giant Cake




A gift from my friend Faroo7a , thank you dear

From Cake n Bake 
Tel. 834 834

Friday, November 26, 2010

Day 4 & 5: Our Hajj Trip

من أصعب الأيام إللي مرت علينا يوم كنا في عرفات
طبعا محد نام بسرعة ، المكان مرتب و مافي شي ، بس لان كل الحاجات مع بعض جنا في معسكر فكان صعب الواحد بس يحط راسه و سيده ينام ، تقريبا الساعه 2:00 الفير أنا نمت بس ما مداني أصك عيني إلا أسمع أختي تناديني ميمي قومي صلي الفير
 توني نايمه متى أذن؟
بدون ما احس إلا صايره الساعه 5:00 الفير ، قمت غسلت صليت و رديت نمت ، ميته من التعب ، على الـ 10:00 الصبح قمت من الحر ، ليش طلعت الشمس صار وايد وايد حر ، إحنا بس مهافات و نقرأ قرآن
 الحملة كانت منبهتنا من قبل ، لحد يتأفف و لا يتذمر ، هذي من أصعب الأوقات و أثمنها ، هني إلى الله عز و جل يباهي ملائكته بحجاج يوم عرفه ، فلازم نكثر الدعاء و قراة القرآن

و الحمد الله هذا كله كان سهل ، صلينا الظهر و العصر جمع و قصر و بدينا الدعاء ليما الساعه 4:00 قالوا إتجهزوا الباصات بتمشي مبجر إلى المزدلفة ، أذكر ركبنا الباص الساعه 4:30 تقريبا و ما تحركنا إلا الساعة 8:00 من الزحمة و مشوا معانا باجي الباصات ، هني انا انام و أقعد أنام و أقعد لين صارت الساعة 10:00 و إحنا بعد ما وصلنا المزدلفة ، بعدين جان اكتشف في باصات طافت على طريق معين ووصلوا  و إحنا الشرطة ما رضوا لنا نطوف أو ودونا طريق ثاني ، ما وصلنا إلا يمكن على الساعه 11:30 أو 12 . بس هني ستوينا ، المغرب و العشاء ما صليناهم كله على بونه بنصلي بالمزدلفة لمه ننزل ، بس ماكو مكان ننزلة ، آخر شي صلينا بالشارع ، و قال لنا الشيخ الله يعطي العافية ، خلاص إحنا اتممنا المبيت في المزدلفة ، صج إن ما نزلنا من الباص ، بس إحنا في المزدلفة

ألحين بنروح الحرم عشان طواف الإفاضة ، شفتوا الجسر إلي بالصورة إللي تحت ؟
واقف ، هذا إلي بنروح منه ، بس دخت مره ثانية و نمت ، ما قعدت إلا أسمع صوت الشيخ يقول : يا جماعة الباص خترب

 هذا إختبار ، و ما لنا إلا الصبر ، الحمد لله أن خترب يم فندقنا مو مكان بعيد ، و كان في باص ثاني للحملة توهم مخلصين طوافهم ، خذينا باصهم و إتجهنا للحرم  



و إحنا بالطريج قال لنا الشيخ الباص بيوقف عند فندق الشهداء و هناك الحملة حجزت غرف - الله يعافيهم - عشان نتوضى فيها و نغسل ، لما نزلنا و دخلنا الفندق و له باص ثاني بعد متأخر مثلنا من نفس حملتنا ، واااي نضحك بسرعه بسرعه و رحنا الحرم


وصلنا هناك تقريبا الساعه 3:30 ، انا هني بس ، خقيت ، ماكو طاقة ، و ريلي شدت علي بعد ، قمت أعري ، واااي لأ ، ، بطيئة ، أبوي  يترجاني أقعد بكرسي و يدزوني عشان نخلص أسرع ، و انا مصممه أمشي ، اول حجة و على كرسي ، مستحيل ، أبي امشي بروحي


ما قدرت ، لما يا وقت السعي ، حدي 3 أشواط بعدين كرسي ، و يطييييير فيني 
تقريبا بـ 10 دقايق أنا مخلصه باجي  الـ 4 أشواط ، أهلي مساكين بعد باقيلهم شوطين 


على ما خلصوا ، إلا مأذن الفير ، كانت أظن 5:25 ، صلى فينا السديس


ألحين وقت العوده إلى الفندق ، نبي باص ألحين يردنا ، أبي أمشي لين الباص ، ما أقدر ، واي ضاق خلقي ، أمشي شوي و أقعد ، مو ماكله، فماكو طاقة ، صج كنت لازم أأكل لأعيش

الحمد الله وصلنا الباص و قعدنا ننطر باجي الناس على ما يوصلون ، جان يقولون في بعضهم بينطرون صلاة العيد ، بسسسسس ما وصلنا الفندق إلا الساعة 7:30 الصبح

هني أنا سيدة الفراش ، بس هااا ما خلص اليوم ، العصر بنروح منى



رادين جناطنا إلى الدار من الباص الخربان ، أغراض عرفات


و أخيرا و صلنااااااا



و هذي الأحداث بالفيديو





Hajj Reception



أدري صارلي فترة ما كتبت ، بس اليومين إللي طافوا كان إستقبالنا للحج ، فعشان جذي كلش ماكو وقت ، غير إني رديت داومت  بعد  إنشاء الله اكمل باجي قصص الحج
شكرا لكل شخص يانا  


I know It has been a while since I wrote a post, but the past couple of days were our Hajj reception, so there is no time, more over I got back to work. Hopefully I will continue writing about our Hajj trip soon.
Thank you all for coming.



Thursday, November 25, 2010

I've Got Mail: شجع الأزرق

 
 

كشوخة  (يعني كشخة بلغة رفيجتي)

Venyoo

يوصل من

 Chocolate bar

بس حق الأزرق ، درزن كب كيك ، أول عشر طلبات ببلاش

أطلب الآن

 

 

WOW, now you can order from chocolate bar through Venyoo online store

Only for the Kuwaiti football team (Al-Azraq)

A dozen of Cup cakes representing Alazraq

First 10 orders will be free of charge

Order Now

 

 

Tuesday, November 23, 2010

"Send in your pictures" post

Picture by DoDo in their Eid Gathering

share your photos with Me Blogging : memeblogging@yahoo.com

Sunday, November 21, 2010

Day 2 & 3: Our Hajj Trip



ثاني يوم ما كان في مناسك ، كنا نحضر الدروس الدينية إلي مسوينها الحملة ، و ناطرين اليوم الثالث عشان نروح عرفات

On day 2 we attended religious lectures, and we were waiting for day 3 to come, because this is were we will go to Arafat


اليوم الثالث عطونا ورقة فيها شنو الأشياء إللى لازم ناخذها ويانا لما نروح عرفات ،لأن بنام فيها يوم ، زهبنا الجناط و ننطر الليل عشان نطلع

On the third day they gave us a paper telling us what to bring for Arafatm because we will sleep there




هذوله باصات الحمله نشوفهم من دريشة الفندق

Those are our Buses, we could see them from our hotel room window



حسيت نفسنا جنه في مساباقات ، تيينا مسج و لازم نسوي المكتوب و بأسرع وقت ، ونسأل عن الباصات الثانية منو وصل قبل و منو خلص المناسك قبل



I felt we were like in the Amazing Race TV show, we receive a massage and have to do what's in it and in the quickest time possible . and we always check other buses, who reached first and who didn't make it in time.


هذا فراشي في الخيمة ،قنفه تنقلب قراش ، كل واحد زهب مكانه و نام
  بعدها العصر بنروح المزدلفة
يتبع ... اليوم الرابع قريبا

and here is were I slept in Arafat, a sofa that turns into a bed
on the next day we will be going to Al-Muzdalufa
to be continued in day 4

"Send in your pictures" post


DooRaa sent me those lovely pictures of herself going to her friend's reception






Share your style with Me Blogging and send in your pictures to:


Day 1: Our Hajj Trip


مستعدين للرحلة
Ready for our trip




لابسه جوتي  الكونغ فوو مثل ما يسمونه ( بالصوره على اليمين) من 
Go Sport at Avenues
عيبت علي ، طلع أريح جوتي  للمشي


wearing my Kung Fu Shoes, as they call them, (in picture on the right) 
got them from Go Sport at the Avenues
I made fun of them but they turned out to be the most comfiest shoes ever


وصلنا مطار جده
We arrived at Jaddah's airport




قعدنا بالإستراحة ننطر باصنا يوصل
Waiting for our bus to arrive


و بنفس الوقت خذينا مفاتيح دورنا ملوت الفندق

At the same time we took our keys of our Hotel rooms


حاطين حلويات و ماي عند الإستراحة
شفتوا الصنية إللي فيها شي أبيض على اليسار فوق ؟
أنا عبالي شعر بنات أو مارش ملوو طلع فوط ملفوفة فيها ماي الواحد يمش فيها إيده


They were serving sweets and water
Do you see the silver tray on the top left of the picture, I thought they were marshmallows or cotton candy, they turned out to be hand wipes


كل ما وصلنا مكان نوقف و نتصور ، زين ما طقونا
Every where we go to we stop and snap some pictures



متجهين إلي الفندق
Heading to the hotel




هذي دارنا - أنا ويا أختي - في فندق الماريديان
This is our room (My sister and I) in Le Meridien Hotel




ما هذا يا ترى؟؟؟
معقوله!!! ستاربكس؟

What's this? could it be??? Starbucks????



أحلى شي بالحمله ، كل يوم رايحين ستاربكس و رادين من ستاربكس
Its the best, we spent our whole trip drinking coffee



معطينا قرآن و مكينه مساج ، محد عرف شلون يشغلها
They gave us Qura'n and a massage machine that no one knew how to work it



مطبخ صغير بالدار
a small kitchen in the room


إلى البوفيه
to the buffet


مادري ليش مغطين عيونها إذا جسمها كله طالع ، إضحك


نفشل أول ناس ناطرين البوفيه يفتح  ، قاعدين و مجابلين الباب
We are the first family waiting for food to be served




على الساعه 11:00 تقريبا بالليل راحنه الحرم عشان نسوي عمرتنا
Approximately at 11:00 pm we went to Al-Haram to do our Omrah



من الزحمة رحنا طفنا فوق بالسطح
It was too crowded down that we went to the roof  for Tawaf





الحمد لله كل شي كان تمام في أول يوم كلش ما تعبنا
 Thank God everything went well and we didn't get tired or anything