Posts

موسم البشوت - Lula's Closet

Image
ما أصدق مرت سنه من أخر مره صورت حق Lula's Closet المجموعه ما شاء الله السنه كبيره و متنوعه ، و اتوقع ترضي جميع الأذواق أنا شخصيا حبيت كل البشوت البيج بأنواعها ، واللي ما شرت السنه اللي طافت خل تلحق و تشتري من ألحين قبل لا يصيرون Soldout متوفرين على موقع  My Dikaan



شراااحه ، هذا البشت شكله من جدام ووره



My Favorite في منه أحمر و برتقالي


 اذا دققتوا بالصوره فوق كل قماش بيج مختلف عن الثاني . عشان تحتارون زود شنو تاخذون

أذكر هذا يوم شفته قلت عادي ، بس لما لبسته العارضه طلع وايد حلو مع الجينز الأزرق

حتى هذا ، أذكر مسمينه بشت الأمهات ، بس لما لبسته العارضه ، جنه والله مافي شي حلو بعد مع الجينز




أقول لكم التشكيله كبيره
ضغطوا هني و شوفوها كلها
و اذا عندكم أي سؤال تواصلوا مع لولاز دايركت على أكاونتها بالانستغرام
Lula's Closet
modaoperandi.com

NEW in Kuwait City : Butter Beauty Bar

Image
صالون يديد توه فاتح في الديره  Butter Beauty Bar  ديكوره اينن ، و انا هذا اكثر شي شدني في  أول سؤال سألتني اياه رفيجتي لما قلت لها عنه ، الساعه جم يفتح الصبح  ؟ الصالون حاليا يفتح الساعه ١١ ، بس اهم ليما الحين  soft opening فقاعدين يدرسون الفكره  ادري وايد بنات ودهم بصالون يفتح قبل الدوامات عشان يسشورون شعورهم قبل الدوام



أهم متخصصين بالسنفره للمنيكير و البديكير و حاليا عندهم سنفرة القهوه و الشوفان  ، و كل ٣ اشهر يغيرونهم و عندهم علاجات للشعر مختلفه ، و انا عبالي بس هذا اللي يقدمونه للشعر طلع لا ، في بعد صبغ للشعر و تساريح
 فاللي دوامها بالديره و عندها عرس وودها بمكان قريب ، راح ينفعها


أنا بس سويت مانيكير و اخترت almond treatment
ريحته وايد حلوه ، وروز اللي سوتلي المانيكير مريحه و ما تعور
استانست وايد مع صاحبة الصالون ، مسكينه روز صكينا راسها بالسوالف
مشكوره على الضيافه و ننطر عروضكم



الصالون مكانه جدا قريب من برج الحمرا ، اتوقع اللي تداوم هناك تقدر تروح مشي أهم في برج أركان و هذا اللينك لحسابهم على الانستغرام للخريطه و تفاصيل أكثر عن شغلهم Link

حياتي تغيرت

Image
كل ما افكر ارد اكتب بالبلوق ، اتوهق ، ماني عارفه من وين ابدي
 صارلي اشهر و انا احاول ارتب الكلام بمخي عشان اكتب هذا البوست ، و مو راضي يطلع معاي شي
 ... بس الجمله اللي تتكرر و ابي اقولها صارلي فتره اهي هذي

أنا استقلت  

يمكن اغلبكم شاف بالانستغرام ان صار عندنا فرد يديد بالعائله ، فهودي الصغير
انا كنت حامل السنه اللي طافت و ما يبت طاري كلش لان ابي اعيش هذه الفتره
off line
 و بنفس الوقت وصلت لي مرحله لا تطاق في شغلي، اللي خلاني آخذ قرار الاستقاله ، وايد ناس حوالي متحسفين اني طلعت  ، و حسوا اني تسرعت ، بس القرار ابدا ما كان بيوم و ليله ، ثلاث سنين و انا اراجع هذا القرار . السنه اللي ولدت فيها راكان كان مفروض اترقى بس الترقيه ما صارت ، لان ولدت و خذيت اجازه مدتها تقريبا ثلاث اشهر ، اوكي صح يمكن معاهم حق . السنه اللي عقبها توقعت الترقيه لان وايد طورنا بالشغل و خليناه
automated
بس لا ، شلون نرقيج و انت ماخذه ساعتين رضاعه ؟
لحظه أنا قاعده اتقيم على الوقت و له على الشغل اللي قاعده اسوي ؟
حلوووو ، وايد حلو ، هذا و انا تقيمي عالي من اشتغلت لي هذه السنه الله يعين لو انا كنت سيئه؟ جان شنو صار؟
و…

Plain & Co.

Image
وايد توصلني مسجات من بنات يبون يهدوني من شغلهم شي و يبون مني تشجيع ، انا الصراحه ما احب اخذ من احد شي ، بس لما قريت كاتبين اسعارنا اقل من 50 دينار ، ذكرت بوستي دراعه بأقل من ٥٠ دينار ، يالله خل نشوف الشغل.
دخلت الاكاونت الا حلو ، مرتب و يشبهني ، عاد عجبتني دراعه ، قلت يليت هاذي تكون الهديه ، حبيت الچم المزموم ، بس للاسف فيها ريش ، انا احب الريش بس ما كان ودي يكون على الدلعه ، و هم حبيت الاورقنزا من تحت ، بس شلون ريلي تبين بعدين ما اقدر اطلع فيها .
اقول ؟ وله ما اقول ؟ فشله ؟ وله مو فشله؟ يالللله خل ادز و اقولها عاجبتني ، و اشوف الرد ، عاد انا مع الهدايا ، مأساه ، محد قام يشتري لي شي ، انا اصلا ما قمت احتفل، احس اني اثقل على الشخص لما يدور لي . المهم مو هذا موضوعنا ، فرحت يوم ردت علي و قالت هاذي اهي اللي بنهديها لج ... الللله وناسه انزين الحين الفقره الاصعب احمممم ، اااه يصير اشيل الريش ؟ اي يصير ااااه انزين ... و يصير الاورقنزا أطول 😆؟ اي افا عليج نسوي ٣ انتش من تحت بعد شنوووو ؟ اتوقع بس لاعت جبدهم بس جذي كفايه ، مشكورين و ما تقصرون
و قبل چم يوم يدقلي الريال مال التوصيل ، و قريب ونتهاوش ، يقول…

عدساتي بنص السعر أون لاين

Image
و أخيرا رديت طلبت عدسات أون لاين  كنت طالبه من قبل ، بس للأسف خذيت بس لمده ٦ أشهر و لما خلصوا الا احنا في أحر شهر بالسنه في الكويت ، خفت إني  أرد أطلب و يقطونهم الجمارك بالحر و يختربون
كلمت أكثر من شركة توصيل ، أرامكس ، دي أتش أل كلهم يقولون اوكي نوصل و نحافظ عليهم بس ما نضمن إن الجمارك ما ياخذونهم ، يمكن يحطونهم في مكان حار قلت شسوي ، مالي إلا أنطر يصير الجو بارد و جذي أتأكد إنهم ما راح يختربون


الموقع إنجليزي ، اسمه www.visiondirect.co.uk
العلبه الوحده عندهم بسعر ٨ دنانير بالكويت جم؟  ١٦ دينار  يعني دبل السعر بالضبط تخيلوا ! فلما أطلب لمده سنه و لعينين ٢٤ علبه ، يعني وفرت ١٩٢ دينار حطيت عنواني مال أرامكس مع إن الموقع كاتبين نوصل الكويت دايركت ، بس مو وقته يضيعون و أنا دافعه قريب ال ٢٠٠  دينار. و جم بيطلع مع أرامكس ؟ ٢٠ دينار يمكن ، مع هذا هم موفره

أنا طبعا فيني أستغماتزم عشان جذي أغلي من العدسات العاديه هذا لينك النوع إللي طالبته Link
وهذا من الكويت حق الصيف و متوهق :) Link

Lula's closet

Image
لولاز كلوزت من كثر ما كانوا عاجبيني بشوتها الشتويه أنا طلب منها إني أصورهم
كنت بصور فيديو بالستوري مال الإنستغرام ، شي على السريع ، جان تقولي المجموعه إللي عاجبتج قريب و تخلص ، إذا خاطرج تصورين ودي تصورين لي مجموعه يديده بعرضها و لأول مره في موقع 
MyDikaan.com
 أبيج تصورين خلفيه بيضه عشان الموقع ، و ما شاء الله من نزلت المجموعه تقريبا خلال أسبوع صارت سولد آوت ، إللي ما مداني أحط عنها بالبلوق
فهاذي الصور للمجموعه الثانيه ، و موجودين ألحين بالموقع للطلب لحقوا عليهم قبل لا يخلصون


هذا الأبيض شوي أخف وزنا من الباجي

 للطلب إضغطي هنا
للتواصل مع لولاز و عرض مجموعتها السابقه Lula's Closet


هذا إللي مت علي و قالت لي خالص ، صورته سريع سريع ما انباع بالموقع ، دايركت عند لولاز

القماش خيااال




و خلصنا أول أسبوع بالمدرسه بسلام

Image
يوم التعارف وصلنا المدرسه على الساعه ٩ طبعا لأن رحنا بعد الدوامات ، فكلش مو مقياس حق الزحمه المهم ما كان أكو وايد أهالي ، يمكن كنا تقريبا ٥ عوايل ، بدت المدرسه تشرح شنو بسوون ووزعت علينا أوراق فيها البرنامج  و كل الأشياء التعريفيه ، متى نوصله المدرسه ، النظافه ، الأغراض المحتاجينها منه ، جدول الحصص ، الأكل ، و جذي
أنا بس عيني على كوكو بشوف شنو بسوي ، طبعا أول ما قعدنا سيده قال أنا بروح ، وين تروح تونا يايين ، دورتله لعبه و له تركيب ، أشوه بده يلعب و لها فيها ، بعدين و المدرسه تشرح أشوف بيده مثلث من خشب و مجابل واحد من الصبيان و يقوله هذا شنو ؟ الولد ساكت يرد يعيد علي هذا شنو ؟ الولد يرد علي،  شنو هذا ؟ و يقعدون جذي ، واحد يسأل الثاني لما تعب كوكو و قاله هذا دائره لااااااا هذا مثلث كوكو ، تعلم الولد غلط 
و يرد يجابل ولد ثاني و يبله صوره حصان و يقوله هذا مووووووو موووووو هووو أي مووو هذا حصان ؟  يالله بعد شنسوي موو موو المهم مو مخترغ
بس خلصت شرحها المدرسه رحنا سجلنا اسم العائله الكريمه كلها عند الاستقبال عشان اذا احد بمر ياخذه ، اسمه موجود
 وين نروح ألحين ؟ الآفنيووووز طبعا أنا مو مصدق…
modaoperandi.com