Posts

اختياراتي من Shali_designs

Image
بوست أعرض في إختياراتي من الأعمال الكويتيه و إللي أغلبها موجوده بالانستغرام 
هذه المجموعه برعاية 
Shali_Designs


توقعت الزم مخيط على القميص ، بس لما وصلني اكتشفت انها قطعه بروحها تنلبس فوق القميص ،  حبيت الفكره لأن  الوحده تقدر تضبطه على خصرها فما يطلع لا فوق وله تحت
و إذا مبين القميص كله مطرز علي عيون

 القميص الثاني حبيته أكثر بروحه ، تخيلت ينلبس مثل
Beach Dress
انتبهوا ان القميص شفاف ، اذا متحجبه تحتاجين تلبسين شي تحته
للطلب 
WhatsApp: +965-51330762
مجموعه يديده توها نازله شوفوا الحساب لصور أكثر 
Shali_Designs



modaoperandi.com

The Black Ice Cream

Image
قبل شهر تقريبا زوجي شايف واحد من ربعه بالانستغرام حاط صوره برد اسود و احنا من ذاك اليوم و احنا ميتين نبي نروح نجربه ، بنروح نجرب برد الفحم و بناكل برد الفحم ، ما ندري اهو فحم وله شنو أصلا، بكيفنا سميناه برد الفحم
طبعا احنا مع الدوام نرجع هلكانين ، على ما آخذ كوكو من بيت أهلي الساعه ٤ و نرد بيتنا أنومه و نتغده إلا صايره ٦ و    طبعا لازم ننام الظهر ( بحالتنا يعتبر المغرب مو ظهر) ما نقعد الا بعد ساعتين  ، يعني ٨ تقريبا ، فعشان جذي طلعاتنا بالليل سباق ، نروح المكان بسرعه قبل لا يصك الساعه ١٠
الاسبوع اللي طاف قلنا بس خلاص لازم نروح محل البرد و نجربه ، اهو بالديره فما يمه مجمع وله شي نبي نسوي هناك . المهم يالله يالله بدلنا و طلعنا  ويوم استانسنا و لقينا موقف و وصلنا المحل الا صاك  .... لااااااااااا شلون ما انتبهت إن المحل يصك يوم الأحد
يالله نروح يوم ثاني 




و اليوم أخيرا قررنا نروح ، و طول الطريج و أنا أقول عسى بس يسوه هذي العنوه  اسم المحل Vermilion  أول ما دخلت سيده قلت حق الريال أنا يايه حق هذا  و أأشر على البرد الاسود  ، قلت له أبي أجربه ، عطاني القفشه الصغيره و لما ذقته توقعت شي مافي …

دراريع بأقل من ٥٠ دينار

Image
قدرت أيمع مجموعه من الحسابات علي الانستغرام عندها دراريع بسعر ٥٠ دينار و أقل  ، و العاده إذا شي كان أقل من ٥٠ دينار ما يكون خبه  و ما في شغل وايد ، يعني نقدر نسميهم دراريع فطور ، شي خفيف و عملي
 ضغطوا علی الصوره توديكم إلی انستغرام أصحاب الشغل

Boo & Koo

Image
Boo is wearing Sportmax dress & Fendi Bag

Ruffled

Image
Dress available at Farfetch click here
Also available in white at Saks click here

تجديد رخصة بكله - الجزء الرابع : توقع الغير متوقع

Image
image source
من كثر ما أنا مصدومه ، مالي خلق أكتب بالبلوق  شنو صار بالرخصه

 نطرت أسبوع ، أعطي وقت حق الوكيل يوقع ، قالوا بدقون لما يوصلهم الكتاب ، بس محد دق علي ، قلت خل أروح أشوف إصار ، من الصبح رحت الحكومه موول و لما مت و لقيت موقف ووصلت لوزاره الاعلام ، جان تقولي الموظفه حاليا الكتب واقفه لإجراءات الإصلاح ، و الوكيل ما وقع علي شي

شنو يعني ؟ أي إصلاح ؟

بعد ، هذا الوضع

دقت ، دورت ، مني ، مناك ، كتابي مو موجود

بس ... استسلمت

تجديد رخصة بكله - الجزء الثالث : وزارة الإعلام

Image
و تستمر رحلة تجديد رخصة مؤسسة بكله اليوم توقيع وكيل وزارة الإعلام في منطقة شويخ الصناعية أول مره أدري إن الوزارة عندهم مبنى هناك طبعا أنا ما راح أشوف الوكيل ، أعطي السكرتاريه الطلب و أهم يوقعونه و يدزونه لمكتب الوزارة الثاني في الحكومه موول وجذي إفتكيت من المشاوير إللي مالها معنى و يبقى أرد حق وزارة التجاره ، المدنيه و آخر شي غرفة التجاره هذول كلهم في الحكومه مول Note to self تجديد الرخصه كل 4 سنوات تجديد وزارة الإعلام كل سنتين


عاد و انا بالطريج أدور الوزاره شفت مبنى كبييير و شكله يديد طلع المبنى للهيئة العامه للبيئه أنا يمكن أول مره سمعت فيهم كان في مجمع 360 مسوين بووث يثقفون الناس عن شغلهم و البيئه هذا موقعهم حق إللي يبي يعرف أكثر عنهم Link
modaoperandi.com